شٽل ڊپلوميسي

کليل ڄاڻ چيڪلي، وڪيپيڊيا مان
Jump to navigation ڳولا ڏانهن هلو

اچ وڃ سفارتڪاري يا ڊُڪ ڊوڙ سُفارتڪاري يا شٽل ڊپلوميسي (Shuttle Diplomacy) هڪ اهڙي سفارتڪاريءَ چئجي ٿو جنهن ۾ اٽڪل ذريعي هڪ وچٿري يا اڻڌري ڌر ٻن دشمن ملڪن وچ ۾ سرچاءَ لاءِ رستو ٺاهيندي آهي. اُها طاقت هڪ ڌُر جا ويچار ٻيءَ ڌر تائين پهُچائي، منجهن پيل وڇوٽيءَ کي ختم ڪرڻ لاءِ جاکوڙيندي آهي. هن سفارتڪاريءَ ۾ خير ڪرائيندڙ ڌُر کي ٻنهي طرفن ڏانهن گهڻي ڊڪ ڊُوڙ ڪرڻي پوندي آهي ۽ تڪڙا دورا ۽ صلاح مصلحت ڪرڻي پوندي آهي. هيءُ اصطلاح پهريون ڀيرو آمريڪي پرڏيهي وزير هينري ڪنسجر جي حوالي سان مشهور ٿيو، جنهن اسرائيل ۽ عربن جي وچ ۾ لڳل جنگ ٽارڻ لاءِ سرگرميءَ سان سفارتي ڪوششون ڪندي، وچ اوڀر جا تمام گهڻا دورا ڪيا ۽ سياسي توڙي سفارتي اڳواڻن سان رابطي ۾ رهندي علائقائي امن جي بحاليءَ ۾ اهم ڪردار ادا ڪيو . تازو برطانيا طرفان انڊونيشيا ۽ اوڀر تيمور جي وچ ۾ تڪرار حل ڪرڻ لاءِ تمام گهڻي اچ وڃ سُفارتڪاري ڪئي وئي. [1]

حوالا[سنواريو]