سنڌ جو گجرات ۽ راجسٿان سان لاڳاپو

آڳاٽي زماني ۾ گجرات ۽ راجسٿان (Rajasthan) وارا سنڌ جي صاحبيءَ هيٺ هئا. ڪڇ جو راءِ جاڙيجن جي نسل مان آهي. انهيءَ خاندان جو بنياد وجهندڙ جاڙو ولد لاکو ننگر ٺٽي جو ويٺل هو ۽ ذات جو سمو هو. اڄ تائين ٿر ڊويزن جي ماڻهن جون مٽيون مائٽيون ڪڇ (Kachhu) ۽ گجرات (Gujraat) وارن سان آهن. انهن سببن ڪري سنڌي ٻولي ڪڇ ۾ چالو ٿي، جا اڄ تائين اتي جا ڪيترا ماڻهو ڳالهائين ٿا. ’ڪڇڪي‘ ٻولي سنڌيءَ جي هڪ اپڀاشا (Dialect) ليکجي ٿي.