رعايتي مدد
رعايتي مدد يا ايڪس گرئشيا (Ex Gratia) هڪ سفارتي اصطلاح آهي. سفارتڪار يا حُڪومت جڏهن ڪنهن به ڌر مان مطمئن هوندا آهن، ته ان ڌر جي روايتي قانوني ۽ سفارتي قاعدن کان هٽي ڪري هر سطح تي حمايت ڪندا آهن، انهيءَ سهولت جي ڪري ڪيترن موقعن تي ٻن حڪومتن جي ڇڪتاڻ وارن لاڳاپن دوران به ڪنهن سفارتڪار جي شخصي وضعداريءَ سبب مهمان حڪومت کيس اهي مراعتون ڏيندي آهي، جيڪي ٻي صورت ۾ ٿيڻ جوڳيون (ممڪن) نه هونديون آهن. هن سهولت جي ڪري ڏيهان ڏيهي (بين الاقوامي) لاڳاپن ۾ پيدا ٿيل ڪيترائي مونجهارا سلجهائي سگهبا آهن. [1]