جيٺي سپا هيملاڻي

جيٺي سپا هيملاڻي (Jaithhi Sipaa Hemlaanni) سنڌ اسيمبليءَ جي پهرين مائي (عورت) مميمبر هئي، جيڪا سنڌ ليجسليٽوو اسيمبليءَ جي ڊپٽي اسپيڪر پڻ ٿي. سندس سياسي لاڳوپو ڪانگريس سان هئو. جيٺيءَ انگريز راڄ خلاف آزاديءَ جي تحريڪ ۾ وڌي چڙهي حصو ورتو ۽ ان لاءِ جيل به ڪاٽيائين. پر ورهاڱي جي نتيجي ۾ پاڪستان ٺهڻ کانپوءِ کيس مجبورن پنهنجو اباڻو وطن ڇڏڻو پيو. هن سان هڪ روايت به لاڳاپيل آهي ته ان وقت جو سنڌ جو هڪ وڏو سيد مسلمان سياستدان سندس عشق ۾ ڦاٿل هئو ۽ ساڻس وهانءَ ڪرڻ چاهي پيو، پر جيٺي ان سان وهانءُ ڪرڻ کان انڪار ڪري ڇڏيو هئو.