اڪبر لغاري

کليل ڄاڻ چيڪلي، وڪيپيڊيا مان
نيويگيشن ڏانھن ٽپ ڏيو ڳولا ڏانھن هلو
اڪبر لغاري

اڪبر لغاري 30 نومبر 1963ع تي تعلقي هالا جي ڳوٺ ٽالھي خان لغاري لڳ ڀاڻوٺ ۾ پيدا ٿيو. پاڻ سنڌي ٻوليءَ جو اديب آھي، ڪھاڻين ۽ ادبي تاريخ تي ڪم ڪيل اٿن. جڏھن تہ مختلف سرڪاري کاتن ۾ پنھنجون خدمتون ڏيندا رھيا آھن. ھن وقت سنڌ صوبي جي تعليم کاتي جا سيڪريٽري آھن.[1]

تعليم[سنواريو]

سندس تعليم ايم. اي اڪنامڪس (1978ع) ۽ ايل. ايل. بي (2003ع) آهي.[1]

سرڪاري ذميواريون[سنواريو]

شروعات ۾ تعليم کاتي ۾ جونيئر اسڪول ٽيچر طور ڀرتي ٿيا ۽ ان حيثيت ۾ ڳوٺ مبارڪ جروار، حمايت الاسلام هاءِ اسڪول حيدرآباد ۽ هوپفل هاءِ اسڪول حيدرآباد ۾ پڙهائيندو رهيا. بعد ۾ پبلڪ سروس ڪميشن جو امتحان ڏئي، 1991ع ۾ پاڪستان ڪاليج سعيدپور، بدين ۾ ليڪچرر ٿيا. 1989ع ۽ 1990ع ۾ ٻہ دفعا سي ايس ايس جو امتحان پاس ڪيائون. 1992ع ۾ اسسٽنٽ ڪمشنر جي ٽريننگ ڪري 1993ع ۾ موٽروي ۾ اسسٽنٽ ڪمشنر ٿيا. 1994ع ۾ ريلوي مئجسٽريٽ حيدرآباد، 1995ع ۾ ايس. ڊي. ايم مٺي، 1996ع ۾ ايڊيشنل ڊپٽي ڪمشنر دادو، 1997ع ۾ ايس. ڊي. ايم ڊگهڙي، 1998ع ۾ سيڪريٽري RTA حيدرآباد، 1999ع ۾ ايس. ڊي. ايم ميرپور خاص، 2000ع ۾ سٽي مئجسٽريٽ ڪراچي (ڏکڻ)، 2001ع ۾ ڊيِ. اِي. او فنانس سانگهڙ، 2002ع ۾ ٽِي. ايم. او ڪورنگي ڪراچي، 2003ع ۾ ڊائريڪٽر ٽوئرزم، 2003ع ۾ ئي ڊپٽي سيڪريٽري ثقافت ۽ سياحت کاتو، 2004ع ۾ اِي. ڊِي. او روينيو دادو، 2005ع ۾ اِيِ. ڊِي. او روينيو ڄامشورو، 2007ع ۾ ڪين ڪمشنر حيدرآباد ۽ 2008ع ۾ ڊِي. سي. او عمرڪوٽ طور پنهنجون خدمتون انجام ڏنائون. ھاڻي سنڌ صوبي جي تعليم کاتي جا سيڪريٽري آھن.[1]

ادبي سفر[سنواريو]

سندن جي تصنيفن ۾ ”سنڌي ادب جو مختصر جائزو“ (1992ع) ۽ ”فلسفي جي مختصر تاريخ“ (2003ع) شامل آهن. ان کان سواءِ ادبي تنقيد ۽ شيخ اياز بابت سندس ڪيترائي مضمون روزاني ”ڪاوش“ ۾ ڇپيا آهن. ٽہ ماهي ”مھراڻ“ رسالي ۾ سندس ڪھاڻيون بہ شايع ٿيل اٿن. ”سارنگا“ رسالي جي اعزازي سٿ ۾ بہ شامل رھيا آھن.[1]

حوالا[سنواريو]