ايوب عليہ السلام

کليل ڄاڻ چيڪلي، وڪيپيڊيا مان
Jump to navigation ڳولا ڏانهن هلو

ايوب عليہ السلام
(عربي ۾: أيوب خاصيت جي حالت تبديل ڪريو مقامي ٻولي ۾ نالو (P1559) وڪي ڊيٽا تي
Job the prophet.jpg 

معلومات شخصيت
عملي زندگي
پيشو ٻيا نبي  خاصيت جي حالت تبديل ڪريو پيشو (P106) وڪي ڊيٽا تي
نبي ایوب

حضرت ايوب عليہ السلام الله جو ھڪ نبي ھيو. الله- تعاليٰ جو نبي سڳورو، جنهن جو قرآن شريف ۾ 4 دفعا تذڪرو ٿيل آهي. بائيبل ۾ هن کي جاب JOB نالي سان سڏيو ويو آهي. حضرت -ايوب عليه السلام- جو صبر نهايت مشهور آهي. قرآن پاڪ ۾ به حضرت ايوب کي صبر ڪرڻ وارو ۽ رجوع ڪرڻ وارو ۽ سٺو ٻانهو ڪري سڏيو ويو آهي. حضرت ايوب جي زندگيءَ جي حالتن جو گهڻو احوال بائيبل مان ئي ورتو ويو آهي. جڏهن ته قرآن شريف جي مطالعي مان سندس زندگيءَ جي حالات متعلق صرف ايتري ڄاڻ ملي ٿي ته پاڻ وڏو مالدار ۽ خوشحال هوندو هو. -الله- تعاليٰ آزمائش جي لاءِ سندس سڄي ملڪيت تباهه ڪري ڇڏي. -ان- کان پوءِ کيس به هڪ موذي مرض ۾ مبتلا ڪري ڇڏيائين. مطلب ته حضرت -ايوب عليه السلام- ڏاڍي مصيبت ۽ تڪليف ۾ اچي ڦاٿو، -ان- هوندي به صبر ۽ شڪر کي هٿان نه ڇڏيائين ۽ رب پاڪ جي درٻار ۾ نهايت عاجزي ۽ انڪساريءَ سان دعائون گهرندو رهندو هو ته کيس انهيءَ اذيت مان نجات ملي. نيٺ -الله- تعاليٰ سندس دعائون قبول ڪيون ۽ نه رڳو سندس صحت بحال ٿي پر مال ۽ دولت، اولاد ۽ نوڪر چاڪر به قدرت الاهيءَ سان ٻيهر عطا ٿيس. بائيبل مطابق حضرت -ايوب عليه السلام- جو زمانو هڪ هزار سال ق.م جو هو. جڏهن ته ڪن مورخن وري 7 سئو ق.م جو زمانو ڄاڻايو آهي. مسلمان عالمن حضرت ايوب عليه االسلام جي قصي کي مڪمل تفصيل سان پر ڪنهن حد تائين ذاتي خيالن سان پيش ڪيو آهي پر -ان- ڳالهه تي سڀ متفق آهن ته حضرت ايوب جو تعلق حضرت ابراهيم عليه السلام جي خاندان سان هو. بائيبل ۾ ته پوور صفحو ”سفر ايوب“ جي نالي سان موجود آهي، جنهن کي قديم شاعريءَ جو هڪ شاهڪار چئي سگهجي ٿو. -توريت- ۾ وري حضرت -ايوب عليه السلام- کي عرب ڄاڻايل آهي ۽ سندس زال جو نالو رحمت ڄاڻايل آهي. جڏهن ته ڪن محققن جو خيال آهي ته حضرت -ايوب عليه السلام- جي والده، حضرت لوط عليه السلام جي ڌيءَ هئي. حضرت ايوب جو نسب زازح -بن- رعوائل -بن- عيسيٰ -بن- -اسحاق عليه السلام- آهي. حضرت ايوب نه رڳو مالدار هو، پر حد درجي جو سخي پڻ هوندو هو. هو غريبن ۽ مسڪينن جي هر وقت مدد ڪندو رهندو هو ليڪن شيطان جي چرچ ۾ اچي ويو جنهنڪري -الله- تعاليٰ کيس آزمائش ۾ وجهي ڇڏيو. اهڙيءَ سخت تڪليف واري وقت ۾ سندس وفادار زال هن سان ساٿ قائم رکيو. حضرت -ايوب عليه السلام- صاحب رسالت هو. پاڻ حُران ۾ پنهنجي قوم وٽ دين جي تبليغ ڪيائين. بائيبل ۾ حضرت ايوب جو وطن عراق جو شهر بصرو ڄاڻايل آهي. ساڳئي نالي وارو هڪ ڳوٺ فلسطين ۾ به آهي. بهرحال -تاريخ- نويسن حضرت -ايوب عليه السلام- جون 3 شاديون ڄاڻايون آهن، -جن- مان هڪ بيبي سڳوري، حضرت -اسماعيل عليه السلام- جي نياڻي هئي. حضرت ايوب کي ڪافي اولاد هو. سندس عمر 140 سال هئي، سندس قبيلي مان -اٺ- طاقتور -بادشاهه- ٿي گذريا آهن.[1]

حوالا[سنواريو]