ان
اناج (Grains) هڪ ڳنڍيل ڀوسي جي پرت سان يا بغير، ننڍڙا، سخت، خشڪ ميوا (ڪيريوپسس) آهن، جنهن کي انسان يا جانورن جي استعمال لاءِ پوکيو ويندو آهي.[1] اناج جي پوک، اناج پيدا ڪندڙ ٻوٽا آهن. تجارتي اناج جي پوکن جون ٻه مکيه قسمون، ان (چانور، دالون، ڪڻڪ، لوبيا وغيره) ۽ ڦليون (مٽر، چونرا، گئار وغيره) آهن.
ڪٽڻ کان پوءِ، سڪل اناج ٻين بنيادي کاڌن، جهڙوڪ نشاستي وارا ميوا (پلانٽن، بريڊ فروٽ، وغيره) ۽ جڙن (مٺا آلو، ڪساوا ۽ وڌيڪ) جي ڀيٽ ۾ وڌيڪ پائيدار هوندا آهن. هن استحڪام اناج کي صنعتي زراعت لاءِ مناسب بڻائي ڇڏيو آهي ڇاڪاڻ ته انهن کي مشيني طور تي حاصل ڪري سگهجي ٿو. ريل يا ٻيڙي ذريعي منتقل ڪئي سگهجي ٿو، ڊگهي عرصي تائين گودامن ۾ ذخيرو ڪئي سگهجي ٿو ۽ اٽي لاءِ پيسيو يا تيل لاءِ دٻايو سگهجي ٿو. اهڙيءَ طرح، اناج مارڪيٽ هڪ اهم عالمي زرعي مارڪيٽ آهي، جنهن ۾ سويابين، لوبيو، مڪئي، چانور، دالون، ڪڻڪ ۽ ٻيا اناج شامل آهن.
تفصيل
[سنواريو]ڪنهن به ملڪ جي زرعي پيدوار، جيڪا -اناج- جي صورت ۾ هجي، ۽ اُهو رِڌي کائجي. جيئن چانور، ڪڻڪ، جوئر، -ٻاجهر-، -جَوَ-، مڪائي وغيره. قديم زماني ۾ اهي سڀ جنسون گاهه ۾ شامل هيون، -جن- کي پوءِ -انسان- ذات پنهنجيءَ حڪمت سان، سٺيءَ زمين ۾ سلا هڻي، انهن جي پوک کي ارتقائي صورت تي رسايو. -ان- کان پوءِ -اناج- ذريعي پوک ٿيڻ لڳي. اَنَ کي ”-اناج-“ به چوندا آهن. اَن کي -برڪت- جي علامت سمجهي -ان- کي ”نور“ به سڏيندا آهن. ”-ان- ڀٽاري“ طور قسم به کڻبو آهي. سنڌيءَ ۾ چوڻي آهي ته ”اَنُ آهي ته -ايمان- آهي.“[2] غذائي ضرورتن لاءِ ڪم ايندڙ زرعي جنسون، جيئن چانور، ڪڻڪ، جوئر، ٻاجهري، مڪائي ۽ -جَوَ- وغيره.[3]
حوالا
[سنواريو]- ↑ Babcock, P. G., ed. 1976. Webster's Third New Dictionary. Springfield, Massachusetts: G. & C. Merriam Co.
- ↑ ان : (Sindhianaسنڌيانا)
- ↑ اناج : (Sindhianaسنڌيانا)