الاخوان المسلمين (رسالو)
ماهوار الاخوان المسلمين رسالو 1899ع ۾ لاڙڪاڻي مان جاري ٿيو، جنهن جو سرپرست پير مظهر الدين شاھ راشدي هو، هيءُ رسالو مطبع مظهر العجائب ٺلاھ ڳوٺ، ڏوڪري پريس مان ليٿو مشين تي شايع ٿيندو هو. هيءُ رسالو خاص طور ديني تبليغ جي سلسلي جي هڪ ڪڙي هو، رسالي ۾ مذهبي مواد سان گڏ عالمن، اديبن ۽ شاعرن جا مضمون، مولود، مناجاتون، غزل پڻ شايع ٿيندا هئا. هن رسالي جو ساليانو چندو اڍائي روپيا هو. ڪجهه عرصي بعد بند ٿي ويو.[1]