ڪيميائي انجنيئرنگ
ڪيميڪل انجنيئرنگ (Chemical Engineering) انجنيئرنگ جي اها شاخ آهي جنھن ۾ ڪيميائي پلانٽس جي ڊيزائن، آپريشن، ۽ پيداواري عمل کي بھتر بنائڻ جو مطالعو ڪيو ويندو آهي. هي علم ڪيميا (Chemistry), فزڪس (Physics)، رياضي (Mathematics)، حياتيات (Biology) ۽ اقتصاديات (Economics) جي اصولن کي گڏائي خام مال کي مفيد مصنوعات ۾ تبديل ڪرڻ جا اقتصادي ۽ تجارتي طريقا ڳولي ٿو.
ڪم جو دائرو
[سنواريو]ڪيميڪل انجنيئرز جو ڪم ليبارٽري ۾ نانو ٽيڪنالاجي ۽ نانو مواد جي استعمال کان وٺي وڏي پيماني تي صنعتي پلانٽس تائين پکڙيل هوندو آهي. اهي جاندار سيلز، مائڪرو آرگنزمز، ۽ توانائي کي اهڙي شڪل ۾ تبديل ڪندا آهن جيڪي انسان ذات لاءِ ڪارائتيون هجن.
ڪيميائي انجنيئر پلانٽ جي ڊيزائن ۽ آپريشن جي هيٺين حصن ۾ اهم ڪردار ادا ڪن ٿا:
- پروسيس ڊيزائن: ڪيميائي عملن جو خاڪو تيار ڪرڻ.
- حفاظت ۽ خطرن جي تشخيص: ڪيميائي حادثن کان بچاءُ جا اپاءُ وٺڻ.
- ڪنٽرول انجنيئرنگ: پلانٽ جي مشينري ۽ گرمي پد کي ڪنٽرول ڪرڻ جا نظام ٺاهڻ.
- ماڊلنگ ۽ تجزيو: ڪيميائي عملن کي رياضي جي مدد سان پرکڻ.
تعليم ۽ پيشه وراڻہ حيثيت
[سنواريو]ڪيميڪل انجنيئر عام طور تي "ڪيميڪل انجنيئرنگ" يا "پروسيس انجنيئرنگ" ۾ چار سالا بيچلر ڊگري رکن ٿا. پيشه ورانه مهارت حاصل ڪرڻ کانپوءِ اهي مختلف عالمي ادارن جا ميمبر بڻجي سگهن ٿا، جھڙوڪ:
- IChemE: انسٽيٽيوٽ آف ڪيميڪل انجنيئرز.
- AIChE: آمريڪي انسٽيٽيوٽ آف ڪيميڪل انجنيئرز.
ٻين شعبن سان لاڳاپو
[سنواريو]ڪيميڪل انجنيئرنگ جو ٻين انجنيئرنگ شاخن سان گھرو تعلق آهي، جنھن ۾ ايٽمي انجنيئرنگ، حياتياتي انجنيئرنگ (Bio-engineering)، ۽ ماحولياتي انجنيئرنگ شامل آهن. هيءَ فيلڊ توانائي کي موثر طريقي سان استعمال ڪرڻ ۽ ماحول کي گهٽ ۾ گهٽ نقصان پھچائڻ تي ڌيان ڏئي ٿي.