ڊڪٽا فون

کليل ڄاڻ چيڪلي، وڪيپيڊيا مان
Dictaphone

ڊڪٽا فون (انگريزي ٻولي: Dictaphone) هڪ مشين يا ڪَلَ آهي، جيڪا آفيسن ۾ استعمال ۾ ايندي هئي. ڊڪٽا ”ڊڪٽيشن“ جي اسپيلنگ ۽ فون جي معنا يا آواز ڪڍڻ جي حوالي سان آهي. هن مشين ۾ ميڻ جو هڪ سلينڊر ٿئي ٿو، جيڪو گراموفون جي ريڪارڊ وانگر ڦرندو رهي ٿو. جڏهن ڪو آفيسر ڪو خط، رپورٽ يا ڪنهن قسم جون يادگيريون لکرائڻ چاهي ٿو ته اهو هن مشين کي حرڪت ۾ آڻڻ کانپوءِ، مشين جي مائيڪ ۾ چوندو وڃي ٿو ۽ اهي ڳالهيون ميڻ جي سلينڊر تي نقش ٿي ريڪارڊ ٿينديون وڃن ٿيون. جڏهن بيان پورو ٿي وڃي ٿو ته ٽائپسٽ هيڊ فون ڪنن سان هڻي مشين کي هلائي، آفيسر جي بيان کي ٽائيپ ڪندو وڃي ٿو.