ڊپريشن
سانچو:Infobox علامتون ڊپريشن--Depression: گھٽ ھجڻ واري ذھني ڪيفيت (low mood) ۽ بيزاري (aversion) واري اھڙي حالت جو نالو آهي جنھن سان ماڻھوءَ جا خيال، ورتاءُ، احساس ۽ چڱي ٿيڻ واري سمجھ متاثر ٿيندا آهن.اھو ڪنھن جسماني بيماري جو آثار يا ڪنهن دوا جو منفي اثر بہ ھوندو آھي.[1]ڊپريشن وارا ماڻهو غمگين، ڳڻتين ۾ ورتل ۽ بيڪاري محسوس ڪندڙ ھوندا آھن. اھي اڪثر ڪري مايوس، لاچار، ڌڪاريل ۽ بيڪار ھوندا آھن. انھن ۾ گنھگار ھجڻ جو احساس، بيزاري ۽ ڪاوڙ جا آثار ظاھر ٿيندا آھن.[2][3] انھن ماڻھن ۾ شرمندگي جو احساس ۽ نمايان بي آرامي ھوندي آھي.انھن جي خوشين ڏيندڙ يا وندر وارن ڪمن ۾ دلچسپي ختم ٿي ويندي آهي.انھن ۾ يا تہ بک ختم ٿي ويندي آهي يا وري تمام وڌي ويندي آهي.ان جي شڪار ماڻهن ۾ بي ڌياني ۽ يادداشت جي ڪمي جا مسئلا جنم وٺندا آهن ۽ انھن ۾ خودڪشيءَ جا خيال پڻ پيدا ٿيندا آھن، ۽ ڪي تہ خودڪشي جي ڪوشش بہ ڪندا آھن. ڊپريسڊ مزاج ۽ ميجر ڊپريسو ڊس آرڊر يا ڊپريشن واري وڏي خرابي ۾ وقت جي مدي جو فرق ھوندو آھي.ڊپريشن وارو مزاج عارضي ھوندو آھي يعني ھڪ ڏينھن کان ھڪ مھيني تائين بہ ٿي سگھي ٿو.ان جي ڀيٽ ۾ ميجر ڊپريسو ڊس آرڊر تمام وڏي عرصي جو ھوندو آھي ۽ پوري زندگيءَ جيترو به ٿي سگھي ٿو. ڊپريشن وارو مزاج طرز زندگي ۽ گفتگو جي تبديلي سان ختم ٿي سگھي ٿو پر ميجر ڊپريسو ڊس آرڊر جي خاتمي لاءِ سليڪٽو سيروٽنن ري اپٽيڪ انھبٽر-Selective Serotonin Reuptake Inhibitorيا ڊوپمن ٿراپي يا ڊگھي مدي واري نفسياتي علاج سان ممڪن آهي.[4]
حوالا
[سنواريو]- ↑ Diagnostic and Statistical Manual of Mental Disorders, Fifth Edition (DSM-5). American Psychiatric Association. 2013.
- ↑ "Irritability, Anger Indicators of Complex, Severe Depression".
- ↑
"Depression (major depressive disorder)".
Angry outbursts, irritability or frustration, even over small matters
- ↑ "Situational depression vs. clinical depression".