پير تراب علي شاھ

کليل ڄاڻ چيڪلي، وڪيپيڊيا مان
Jump to navigation ڳولا ڏانهن هلو

پير تراب علي شاهه راشدي خلافت تحريڪ جو سرگرم ڪارڪن، پير تراب علي شاهه ولد پير عبدالله شاهه راشدي، قنبر علي خان ۾ 5 ذوالقعد 1274هه مطابق 2 نومبر 1857ع تي ڄائو. پيري مريديءَ وارو مڙس هو، ۽ محمدي شريعت جو پابند ۽ اسلام جو سچو خادم هيو. ديسي تهذيب کي فوقيت ڏيڻ ۾ فخر سمجهيائين. ملڪ جي آزاديءَ ۽ اسلام جي سربلنديءَ لاءِ آزادي جي اڳواڻن ۾ شامل ٿيو. انگريزن جي کـُلم کــُلا مخالفت ڪيائين، خاص ڪري ”خلافت تحريڪ“ ۾ سندس ڪردار لڪل نه آهي. تاريخ 2 شوال 1357هه 17 مارچ 1938ع تي قنبر ۾ وفات ڪيائين (2). هڪ اندازي موجب وٽس ڪتابن جو وڏو تعداد ايڪويهه سوَن کان مٿي هيو. وفات وقت گهڻي ڀاڱي ضايع ٿي ويا. سادو رهڻ، سادو کائڻ ۽ سادو پهرڻ سندن مشغلي ۾ شامل هو. امير جي ڀيٽ ۾ غريب جي ضمير کي صاف ۽ اُجرو سمجهي، سندس وفاداريءَ کي بي غرض ۽ پائدار سمجهندو هو، انهيءِ ڪري پڇاڙي تائين غريبن جو هڏ ڏوکي ۽ مسڪينن جو مددگار ٿي رهيو . چوڻ ۾ اچي ٿو ته اڪثر ڪري پاڻ سان قرآن شريف گڏ رکندو هو. ان کان علاوه گهر هجي يا سفر ۾، پاڻ سان ڪونه ڪو ڪتاب ضرور کڻندو هو. ڪجهه وقت ”الرشيد“ رسالو به ڪڍيائين. سندس اَستاد ۽ سهري، عمدة العلماءُ مولانا غلام صديق ميڪڻ شهداد ڪوٽي رح (1842ع - 1905ع) جو مٿس وڏو اَثر رهيو.[1]

حوالا[سنواريو]

  1. لاڙڪاڻي ضلعي جا ڪتبخانا-- ميمڻ عبدالغفور سنڌي ؛ رسالو:مهراڻ؛ 1984جلد 33 ڇپيندڙ: سنڌي ادبي بورڊ