ٽيپ ورم
ٽيپ ورم: ڪرنگھي وارن جانورن جي آنڊن ۾ رھندڙ مفت خور جاندار آھي . ان جو جسم ڊگھو ربن وانگر (ribbon like) آهي جيڪو ڪيترن ئي ڇليدار حصن ۾ ورھايل ھوندو آھي. سندس اڳيون حصو گولائي نما مٿي وارو ٿئي ٿو جنھن ۾ چار چوسڻا suckers آھن ۽ ننڍن گولن جا ڪنڊيدار ھڪ Hook آھن. جيڪي کين پنھنجي ميزبان تي چنبڙڻ ۾ مدد ڏين ٿا. ٽيپ ورم ۾ نه وات ٿئي نه وري ھاضمي جو نظام ۽ نه ئي نيڪال جو نظام ٿئي. ھي پنھنجي ٻاھرين سطح کان پنھنجي ميزبان جي خوراڪ کي جذب ڪندو آهي. ھن جي ھر ڇلي واري سيگمينٽ ۾ نر ۽ مادي پيدائشي عضوا ھوندا آھن.