وينس

کليل ڄاڻ انسائيڪلوپيڊيا، وڪيپيڊيا مان
ڏانھن ٽپ ڏيو: رھنمائي, ڳولا
وينس

وينس (انگريزي ٻولي: Venus) يا زهره سيارو پڻ اسان واري سج منڊل يا شمسي نظام جو حصو آهي.[1]


طبعي خصوصيتون[سنواريو]

اسان جي ڌرتيءَ وانگر وينس پنهنجي چوڌاري به ڦري ٿو ته سج جي چوڌاري به. بلڪہ وينس کي ته اسانجي ڌرتي سَياري جي ڀيڻ سڏيو وڃي ٿو، جو ٻئي سيارا جهڙوڪر هڪ جيڏا آهن. ڌرتيءَ جو قطر Diameter 13000 ڪلوميٽر آهي ۽ وينس جو 12000 ڪلوميٽر آهي. تور ۾ به ڌرتي جي لڳ ڀڳ آهي. شڪل صورت ۾ به ڌرتيءَ جهڙو جابلو علائقو اٿس. پر باقي حالتون اهڙيون اٿس جو ان تي ڪنهن انسان يا جيت، جانور لاءِ رهڻ ڏکيو آهي. اسان جي هوا ۾ آڪسيجن ۽ ان کي هلڪو ڪندڙ گئس نائٽروجن آهي. وينس تي 95 سيڪڙو ڪاربن ڊاءِ آڪسائيڊ آهي. وينس تي سڄو سال 500 ڊگريون ٽيمپريچر آهي، جيڪو تمام گهڻو آهي. 100 ڊگرين تي ته پاڻي ٻاڦ ٿيو وڃي ۽ هوا (يعني ڪاربن ڊاءِ آڪسائيڊ جيڪا وينس جو Atmosphere ٿي ٺاهي) جو دٻاءُ ڌرتيءَ جي Atomospheric pressure کان 92 دفعا وڌيڪ آهي. يعني ان ۾ ڌرتيءَ جو انسان يا جانور ايتري ته چيڀاٽ محسوس ڪري جو جسم جي اندر جو رت ۽ پاڻيٺ ٻاهر نڪري اچي.[1]


وينس ڌرتيءَ کان 42 ملين ڪلوميٽر پري سج جي ويجهو آهي. سج جي سڀ کان ويجهو مرڪري (عطارد) سَيارو آهي ان کان پوءِ وينس (زهره) ۽ پوءِ ڌرتي آهي. وينس سَيارو ڌرتيءَ کان سج ڏي وڌيڪ ويجهو هجڻ ڪري، وينس سج جي چوڌاري اسان وارن 225 ڏينهن ۾ چڪر پورو ڪري ٿو، جيڪو چڪر اسان جي ڌرتي 365 ڏينهن ۾ ڪري ٿي. پر وينس سَيارو پنهنجي محور جي چوڌاري تمام آهستي ڦري (Rotate) ٿو. ايترو آهستي جو هڪ ڦيرو (يعني ڏينهن رات) 243 اسان وارن ڏينهن ۾ ڪري ٿو. يعني وينس سياري تي بيهي سج اُڀرڻ جو نظارو ڪجي ته ٻيو دفعو سج 243 ضربيان 24 ڪلاڪن کان پوءِ اُڀرندو. ٻي ڳالهه ته وينس سيارو اُبتو ڦري ٿو ان ڪري وينس وارن لاءِ سج اولهه کان اُڀري، اوڀر طرف لهي ٿو. انگلينڊ ۽ يورپ پاسي هن سَياري کي مارننگ ۽ ايونگ تارو سڏجي ٿو، جو هي تارو (سيارو) يا ته شام جو نظر اچي ٿو يا صبح جو. هندو جوتش ۾ وينس کي شڪرا سڏين. ٽيلي اسڪوپ جي ايجاد کان اڳ اولهه ۾ هن تاري کي Wandering Star (رول تارو) پڻ سڏيندا هئا.[1]

حوالا[سنواريو]

  1. 1.0 1.1 1.2 سنڌسلامت ڊاٽ ڪام ڪتاب گھر. ڪتاب: چنڊ چوانءِ سچ
Incomplete-document-purple.svg هي هڪ ڪچو مضمون آهي. توهان هن ۾ واڌارو ڪري وڪيپيڊيا کي سنواري سگھو ٿا.