هما ڀاڀا

کليل ڄاڻ چيڪلي، وڪيپيڊيا مان
Jump to navigation ڳولا ڏانهن هلو

هما ڀاڀا جو جنم 1962 تي ٿيو [1] هوءَ هڪ پاڪستاني نسل جي آمريڪي شهري آهي جيڪا مجسما ٺاهيندي آهي ۽ هيءَ نيويارڪ جي شهر پوفيڪسي ۾ رهندي آهي.[2] هيءَ پنهنجي علامتي شڪلين جي لاءِ سڃاتي ويندي آهي. هما ڀاڀا اڪثر پنهنجي مجسمن ۾ ان مواد جو استعمال ڪندي جنهن ۾ اسٽائرو فوم، ڪارڪ، رٻڙ، ڪاغذ، تار ۽ مٽي شامل آهي. هيءَ ڪڏهن ڪڏهن ٻين ماڻهن جي ڏنل شين کي پنهنجي فن پارن ۾ شامل ڪندي آهي.[3] جهڙي ريت هن پنهنجا ڪيترن ئي مجسمن ۾ ڪانسي جو استعمال ڪيو آهي. هيءَ ڪاغذ تي پڻ پنهنجو ڪم ايتري ئي مهارت سان ڪندي آهي، هي پينسل ڊرائنگ، فوٽو گرافي ۽ ٻئي پرنٽ ايڊيشن پڻ ٺاهيندي آهي. [4]

شروعاتي زندگي ۽ تعليم[سنواريو]

هما ڀاڀا جو جنم ڪراچي، پاڪستان ۾ ٿيو هيو، سندس پيءُ هڪ فنڪار هيو پر هيءَ پروفيشنل طور ڪم ناهي ڪندي. هما ڀاڀا جو گهر فن جي ڪتابن سان ڀريل هجي ٿو، جيڪي سندس ڪيترا ئي پروجيڪٽس ۾ مدد ڏيندا اٿس. هاءِ اسڪول کان ئي هما ڊرائنگ ۽ پينٽنگ ڪرڻ شروع ڪئي ۽ هڪ پيشيور آرٽسٽ بڻجڻ جي باري ۾ سوچڻ شروع ڪيائين.[5]سال 1981 ۾ تعليم حاصل ڪرڻ جي لاءِ هيءَ آمريڪا جي سفر تي هلي وئي، ڀاڀا B.F.A. رهوڊ آئلينڊ اسڪول آف ڊزائن (1985) ۾، مصوري جا ڪلاسز وٺڻ جي لاءِ گڏوگڏ پرنٽ ميڪنگ ۾ پڻ ڪم ڪيو.[5] [6] اتان کان پڙهي نڪرڻ کانپوءِ، هيءَ ٻن سال کانپوءِ پاڪستان واپس موٽِي آئي. سال 1986 ۾ سندس پيءٌ جي مرڻ کانپوءِ، هي آمريڪا ڏانهن واپس هلي وئي ۽ ڪولمبيا يونيورسٽي ۾ تعليم حاصل ڪرڻ سروع ڪيائين، جتي هن ايم۔ ايف۔اي جي تعليم حاصل ڪئي. (1989)۔ [5] [7] ڪولمبيا ۾ رهڻ مهل، هن ڪينواس جي بدران ڪاٺ ۽ ڌاتو جو استعمال ڪندي چٽسالي (پينٽنگز) ٺاهيون، جنهنڪري هيءَ شڪل، جڳهہ ۽ رنگ جهڙن خاصيتن کي شامل ڪري سگهي. ڪولمبيا ۾ پنهنجي ٻئي سال ۾، هن مصور ميئر وسمان جي سهائتا جي حيثيت سان ڪم ڪيو، جنهن کان هن پيشيور آرٽسٽ بڻجڻ جو طريقو سکيو. سندس گريجوئيشن پوري ٿيڻ کانپوءِ ۽ نيٽ ورڪ سان پيشيوراڻا رابطا ٺاهڻ ۽ فن جي دنيا ۾ ماڻهن سان ملڻ کانپوءِ به ان لاءِ ڪم کي جاري رکيو.[5] هما ڀاڀا 2002 تائين نيويارڪ شهر ۾ رهائش ڪئي تنهنکانپوءِ هيءَ پوفڪيسي هلي وئي، جتي هي هينئر رهندي آهي ۽ ڪم ڪندي آهي.۔ [3] [8] هيءَ پنهنجي مڙس جيسن فاڪس سان گڏ رهندي آهي، جيڪو پڻ هڪ آرٽسٽ آهي، ۽ جنهن سان سندس شادي 1990 ۾ ٿي هئي.[5]

حوالا[سنواريو]

  1. Phaidon Editors (2019). Great women artists. Phaidon Press. p. 61. ISBN 0714878774. 
  2. "Union List of Artist Names Online (ULAN) Full Record Display for Bhabha, Huma". www.getty.edu. Getty Research. حاصل ڪيل 2017-01-09. 
  3. 3.0 3.1 Trigg, Sarah. "Canines to Cannabis in Artist Huma Bhabha’s New Show". Vulture. حاصل ڪيل 20 February 2018. 
  4. "Huma Bhabha (Artist Page)". www.nielsborchjensen.com. Niels Borch Jensen Gallery & Editions. حاصل ڪيل 2017-01-09. 
  5. 5.0 5.1 5.2 5.3 5.4 "In the Studio: Huma Bhabha". Art in America. حاصل ڪيل 2019-03-03. 
  6. "Hip-Hop-Era Giacometti". Our RISD. حاصل ڪيل 2016-11-13. 
  7. "Huma Bhabha ('89) in ICP Triennial". Columbia University, Visual Arts Program. حاصل ڪيل 2016-11-13. 
  8. "Huma Bhabha, Artist". Yale University School of Art. حاصل ڪيل 20 February 2018.