مُڪمل سرسي

کليل ڄاڻ چيڪلي، وڪيپيڊيا مان
Jump to navigation ڳولا ڏانهن هلو

مُڪمل سرسي يا ائبسوليوٽ ايڊوانٽيج (Absolute advantage) هڪ ڌُر يا مُلڪ طرفان ساڳي لاڳت ذريعي ڪنهن به وکر کي ٻين مُلڪن يا ڌُرين جي ڀيٽ ۾ جهجهي مقدار ۾ پيدا ڪرڻ واري صلاحيت کي چيو وڃي ٿو. هي اصطلاح سڀ کان اڳ اسڪاٽلئنڊ جي معاشي ماهر ’آدم ايڊم سمٿ‘ (1790-1723) بين الاقوامي واپار جي حوالي سان ڪتب آندو هو. واپار ۾ ”مُڪمل سرسي“ تڏهن ملي سگهي ٿي، جڏهن ڪو به مُلڪ سستي پورهيي، گهٽ مواصلاتي خرچ ۽ بهتر ٽيڪنالاجيءَ ذريعي، مقابلي ۾ آيل ٻين ڌُرين کي پوئتي ڇڏي ڏئي ٿو. اهڙي طرح منڊيءَ ۾ خاص وکر/ خدمت ۽ پيداوار جي حوالي سان سندس هڪ هٽي قائم ٿي وڃي ٿي. هي اصطلاح بچاءُ ۽ معاشي حوالي سان ، ڪنهن ڌُر يا رياست کي ٻين رياستن مٿان مليل برتريءَ کي پڻ واضح ڪندو آهي. [1]

حوالا[سنواريو]

  1. سنڌي آنلائين ڊڪشنري پاران سنڌي لئنگئيج اٿارٽي، حيدرآباد