مستنصر حسن تارڙ
مستنصرحسين تارڙ اردو ٻوليءَ جو نامياريو اديب، سفرنامو نگار ۽ ٽيليويزن ڪمپيئر آھي. سندس جنم پهرين مارچ 1939ع تي پنجاب جي ھڪ ڳوٺ ”جوڪليان“ ۾ ٿيو.[1]
ھن شروعاتي تعليم پنھنجي ڳوٺ مان حاصل ڪئي، بعد ۾ لاهور منتقل ٿي ’مشن هاءِ اسڪول‘ ۽ پوءِ ’مسلم ماڊل هاءِ اسڪول‘ مان ميٽرڪ پاس ڪيائين. ان کان پوءِ گورنمينٽ ڪاليج لاهور ۾ داخلا ورتائين. 1950ع ڌاري ھو لنڊن ويو، جتي وڌيڪ تعليم حاصل ڪرڻ بعد وطن موٽي آيو.
1957ع ۾ مستنصرحسين تارڙ ماسڪو ۾ ٿيل ”ورلڊ يوٿ فيسٽيول“ ۾ شرڪت ڪئي، جنھن کان پوءِ سندس پھريون سفرنامو ”لنڊن سي ماسڪو تڪ“ شايع ٿيو. کيس اخباري دنيا ۾ روزاني نواءِ وقت جي ايڊيٽر مجيد نظامي متعارف ڪرايو، جڏھن ھو لنڊن ۾ اخبار جو نمائندو ھو.
1968ع ڌاري مستنصرحسين پاڪستان ٽيليويزن (PTV) تي اداڪاريءَ جو موقعو حاصل ڪيو، جتي ھن اشفاق احمد جي ھڪ ڊرامي ۾ اداڪاري ڪئي. بعد ۾ ھن پي ٽي وي جي صبح واري پروگرام جي ڊگھي عرصي تائين ميزباني پڻ ڪئي. ان دوران ھن لکڻ جو سلسلو به جاري رکيو.
مستنصرحسين تارڙ لڳ ڀڳ 30 ڪتاب لکيا آھن، جن ۾ سفرناما، افسانا ۽ ناول شامل آھن.
اهم تصنيفون
[سنواريو | ذريعو سنواريو]- خانہ بدوش
- جپسي
- اندلس مين اجنبي
- پيار ڪا پھلا شھر
- نانگا پربت
- هنزه داستان
- شمشال بي مثال
- شاهگوري
- سفر شمال ڪي
- گڌي هماري دوست هين
- ڪالاش
- ياڪ سرائي
- ديو سائي
- چترال داستان
- ڪاروان سرائي
- الو هماري ڀائي هين
- چڪ چڪ
- ڪي. ٽو ڪھاني
حوالا
[سنواريو | ذريعو سنواريو]- ↑ "تارڙ مستنصرحسين : (Sindhianaسنڌيانا)", www.encyclopediasindhiana.org (ٻولي ۾ سنڌي), حاصل ڪيل 15 جنوري 2021۔