قوالي

اجمير شريف درگاھ تي قوالي

قوالي (Qawali) اردو ۽ پنجابيءَ ۾ مذهبي شاعريءَ جو درجو رکي ٿي. قواليءَ ۾ پيغمبر رسول ^{الله صلي الله عليه وسلم}، اصحاب سڳورا، ۽ الله جي ولين جي ثنا، تعريف ۽ ڪرامتون بيان ڪيون وينديون آهن. امير خسرو (1253-1325ع) اسلامي تعليمات کي گيتن جي صورت ۾ پيش ڪيو هو تہ انهيءَ کان بعد اهو سلسلو جاري رهيو جيڪو اڄ ڪلهہ (قوالي) جي صورت ۾ آهي. سيد علي هجويري ^{رحمت الله عليه} (990-1077ع) پنھنجي مشھور ڪتاب (ڪشف المحجوب) ۾ قواليءَ جا ڪجهہ شرط بيان ڪيا. اڄڪلهہ اردو توڙي سنڌيءَ ۾ مزاحيہ قوالين جو رواج پيو آهي، جنھن ۾ ملڪي حالتن کان ويندي سياستدانن ۽ آفيسرن تي طنز ٿيل هوندي آهي. اهڙيون مزاحيہ قواليون ٽي-وي تي مزاحيہ ڊرامن ۾ پيش ڪيون وينديون آهن.