قلعي

قلعي (عربي. رصاص ابيض، فارسي: ارزير، هندستاني، وغيره: رانگا، قزمير، قسطي ۽ سفيد روئي.) اڇي چلڪڻي رنگ جي نرم ڌات ٿيندي آهي. هن کي ماري ڪشتو ڪري ڪم آڻبو آهي.

طب

ترڪيب ڪشتي ڪرڻ جي: قلعي ٻن دُڪن کي ٽيهه دفعا تيل ڪڙي ۾ ٽوٻا ڏيئي صاف ڪجي پوءِ هڪ تولو پارو ملائي پگهارجي، ٺرڻ تي ڪٽي ذرا ذرا ڪري مينديءَ هڪ پاءُ جو فرش ڪري مٿان اهي ذرا رکي، اڳڙيءَ ۾ ويڙهي ڏهن سيرن ڇيڻن جي باهه ڏجي ته ڦلي پوندي.
خاصيت: اهو ڪشتو قوت باھ کي وڌائي ٿو، منيءَ کي گهاٽو ڪري ٿو، مثاني جي ڦٽ، پرميل، رحم ۽ آنڊن جي رطوبت کي خشڪ ڪرڻ لاءِ مفيد آهي.