روس جا اوبلاسٽ

اوبلاسٽ Oblast
قسم	وفاقي رياست
علائقو	رشیئن فيڊريشن
انگ	46 (بين الاقوامي طور تي تسليم ٿيل) 48 (جيڪڏهن خيرسون ۽ زاپوروزيا اوبلاسٽن کی ڳڻيو وڃي، جيڪي بين الاقوامي طور تي يوڪرين جي حصي طور تسليم ٿيل آهن)
آبادي	,56,996 (مگادان اوبلاسٽ) - 70,95,120 (ماسڪو اوبلاسٽ)
ايراضي	15,100 چورس ڪلوميٽر (ڪالينن گراڊ اوبلاسٽ) - 7,67,900 چورس ڪلوميٽر (ارکوتسڪ اوبلاسٽ)
حڪومت	اوبلاست حڪومت، اوبلاست دوما
ذيلي تقسيم	رائيون، اوبلاست جي اهميت جو شهر، سيلسوويت، اوڪروگ، شهري قسم جي آبادي

روس ۾ اوبلاست (روسی:Oбласть، انگریزی:Oblast) 48 انتظامي علائقا آهن. اهي هڪ قسم جي وفاقي ماتحت علایقا آهن، روسي علائقي جي اعلي سطحي انتظامي ڊويزن.

جائزو

اوبلاسٽ هڪ وفاقي يونين ۾ سياسي وجود آهن جنهن جي نمائندگي فيڊرل ڪائونسل ۾ آهي ۽ پهرين سطح جي انتظامي ورهاست جي حيثيت ۾ ڪم ڪن ٿيون. هر اوبلاسٽ ۾ هڪ رياستي حڪومت آهي، جيڪا، هڪ رياستي قانون ساز، اوبلاسٽ ڊيوما، جيڪا جمهوري طور تي چونڊيل آهي، سان گڏ، هڪ مقرر ڪيل جاگرافيائي علائقي تي اختيار رکي ٿي. گورنر جو عهدو هڪ اوبلاسٽ ۾ رياستي حڪومت جو اعليٰ ترين انتظامي عهدو آهي ۽ هو عوام طرفان چونڊيو ويندو آهي. اوبلاسٽن کي راين (ضلعن)، اوبلاسٽ جي اهميت جا شهر (ضلعي برابر آزاد شهر) ۽ خودمختيار اوڪروگ، جيڪي قانوني طور تي وفاق جا تابع آهن، اوبلاسٽ جي برابر آهن پر انتظامي طور تي هڪ اوبلاسٽ جي ماتحت آهن، ۾ ورهايو ويو آهي. ٻن اوبلاسٽن ۾ خودمختيار اوڪرگ آهن: ارکانجيلسڪ اوبلاسٽ ۾ نينٽس خودمختيار اوڪرگ ۽ ٽيومن اوبلاسٽ ۾ خانٽي-مانسي خودمختيار اوڪرگ ۽ يامالو-نينٽس خودمختيار اوڪرگ.

اصطلاح اوبلاسٽ جو ترجمو، "صوبي" سان ڪري سگھجي ٿو ۽ ھن وقت 46 اوبلاسٽ آھن، جيڪا روس ۾ 85 وفاقي ماتحتن ۾ سڀ کان وڌيڪ عام قسم آھي. اوبلاسٽن جي اڪثريت جو نالو انهن جي انتظامي مرڪزن، سرڪاري اصطلاح ڪنهن اوبلاست ۾ گاديءَ واري شهر لاءِ، جيڪو عام طور تي وڏو شهر هوندو آهي، جي نالي تي رکيو ويو آهي. ان جي استثنا ۾ لينن گراڊ اوبلاسٽ ۽ ماسڪو اوبلاسٽ شامل آهن، جنهن جي ڪا به سرڪاري گاديءَ جو هنڌ ناهي ۽ سخالين اوبلاسٽ، جن جو نالو جاگرافيائي مقام تي رکيو ويو آهي. لينن گراڊ ۽ سويرڊلوفسڪ بالترتيب سينٽ پيٽرزبرگ ۽ ايڪاتيرنبرگ جا اڳوڻا نالا برقرار رکيا آهن. اوبلاسٽ عام طور تي اهي علائقا آهن جيڪا گهڻو ڪري نسلي روسي ۽ مقامي روسي ٻولي ڳالهائيندڙ ۽ اڪثر ڪري يورپي روس ۾ واقع آهن. جاگرافيائي ماپ جي لحاظ کان سڀ کان وڏو اوبلاسٽ، ٽيومن اوبلاسٽ، 14,35,200 چورس ڪلوميٽر سان آهي. (ارکوتسڪ اوبلاسٽ جي 767،900 چورس ڪلوميٽر جي خودمختار اوڪرگ کان سواءِ) ۽ سڀ کان ننڍو 15,100 چورس ڪلوميٽر تي ڪليننگراڊ اوبلاسٽ آهي. سڀ کان وڌيڪ آبادي وارو علائقو، 70,95,120 تي، ماسڪو اوبلاسٽ آهي ۽ سڀ کان گهٽ آبادي وارو اوبلاسٽ، 1,56,996 تي مگادان اوبلاسٽ آهي.

"ڪرائي" (Krais)، هڪ ٻيو قسم جو وفاقي ماتحت، قانوني طور تي اوبلاسٽن سان هڪجهڙائي رکي ٿو ۽ هڪ سياسي اداري جي وچ ۾ نالو "اوبلاسٽ" ۽ "ڪرائي" جي وچ ۾ فرق خالص روايتي آهي.

تاريخ

روسي سلطنت دور ۾، اوبلاسٽ، سال 1849ع ۾ منظم ۽ تعداد ۾ ٿوري پهرين سطح جي انتظامي ورهاست، "ڪرائي" (Krais) جي اندر وڏن "گبرنايا" (گورنريٽس) کي ورهائيندي، هڪ ٽئين سطح جي انتظامي ورهاست هئي. سوويت دور ۾ ڪيترن ئي انتظامي سڌارن جي پٺيان، اوبلاسٽن جو تعداد بتدريج وڌيو ۽ اها سوويت سوشلسٽ ريپبلڪس (SSRs)، سوويت يونين جا جزو سياسي ادارن جي بنيادي اعليٰ سطحي انتظامي ورهاست بڻجي ويا. انهن اوبلاسٽن ۾ تمام گهٽ خودمختياري يا طاقت هئي، پر جڏهن 1992ع ۾ سوويت يونين خودمختيار رياستن ۾ ٽٽي ويو، اها پهرين سطح جي انتظامي ڊويزن بڻجي ويا ۽ روسي وفاقي جمهوريتن جا اوبلاسٽ، جيڪا روسي فيڊريشن ۾ منتقل ٿيا، فيڊريشن جا پهرين سطح جا انتظامي ورهاست بڻجي ويا ۽ وڌيڪ منتقل ٿيل طاقت حاصل ڪيا.

روس-يوڪرين جنگ

يوڪرين تي روسي حملي دوران، روس يوڪرين جي ڊونيس، خيرسون، لوهانسڪ ۽ زپوريزيا علائقن کي ملائي ڇڏيو. جڏهن ته ڊونيتسڪ ۽ لوهانسڪ کي، سال 2014ع کان وٺي انهن جي الڳ الڳ آئين کي اختيار ڪيو ويو هو، جڏهن اها يوڪرين جون ٻه الڳ رياستون هيون، جمهوريه طور شامل ڪيو ويو ۽ . خيرسون ۽ زپوريزيا کي قانوني طور تي پر باقاعدي ڊي فيڪٽو اوبلاستن جي طور تي نه شامل ڪيو ويو، سميت ڪريملن ڪل 48 اوبلاستن جو دعويٰ ڪري ٿو. چار علائقا بين الاقوامي طور تي يوڪرين جي حصي طور تسليم ٿيل آهن ۽ صرف جزوي طور تي روس جي قبضي ۾ آهن ۽ علائقي تي ان جو ڪنٽرول مڪمل طور تي يقيني نه آهي.

فھرست

1. آمور اوبلاسٽ
2. آرکينگيلسڪ اوبلاسٽ
3. آستراخان اوبلاسٽ
4. بيلگوروڊ اوبلاسٽ
5. بريانسڪ اوبلاسٽ
6. چليابنسڪ اوبلاسٽ
7. ارکوتسڪ اوبلاسٽ
8. آئيوانووو اوبلاسٽ
9. ڪاليننگراڊ اوبلاسٽ
10. ڪالوگا اوبلاسٽ
11. ڪيمرووو اوبلاسٽ
12. ڪيروف اوبلاسٽ
13. ڪاستروما اوبلاسٽ
14. ڪرگان اوبلاسٽ
15. ڪرسڪ اوبلاسٽ
16. لينن گراڊ اوبلاسٽ
17. ليپيٽسڪ اوبلاسٽ
18. مگادان اوبلاسٽ
19. ماسڪو اوبلاسٽ
20. مرمانسڪ اوبلاسٽ
21. نزني نووگوروڊ اوبلاسٽ
22. نووگوروڊ اوبلاسٽ
23. نوووسبرسڪ اوبلاسٽ
24. اومسڪ اوبلاسٽ
25. اورينبرگ اوبلاسٽ
26. اوريول اوبلاسٽ
27. پينزا اوبلاسٽ
28. پيسڪوف اوبلاسٽ
29. روسٽوف اوبلاسٽ
30. ريازان اوبلاسٽ
31. سخالين اوبلاسٽ
32. سمارا اوبلاسٽ
33. ساراتوف اوبلاسٽ
34. سمولينسڪ اوبلاسٽ
35. سورڊلوفسڪ اوبلاسٽ
36. تامبوف اوبلاسٽ
37. ٽومسڪ اوبلاسٽ
38. ٽوير اوبلاسٽ
39. ٽولا اوبلاسٽ
40. ٽيومين اوبلاسٽ
41. اليانووسڪ اوبلاسٽ
42. ولاديمير اوبلاسٽ
43. وولگوگراڊ اوبلاسٽ
44. وولوگڊا اوبلاسٽ
45. وورونيز اوبلاسٽ
46. ياروسلاول اوبلاسٽ
47. خیرسون اوبلاسٽ
48. زپوريزيا اوبلاسٽ