دم (بيماري)

کليل ڄاڻ چيڪلي، وڪيپيڊيا مان
Jump to navigation ڳولا ڏانهن هلو
دم (بيماري)
مھارت Pulmonology Edit this on Wikidata
Asthma (Lungs).png

دميا اڀساھي يا سھڪو (انگريزي ۾ ائزما يا ايسما پر لکبو asthma) ھڪ ڊگھي مدت واري ڦڦڙن جي بيماري آهي جيڪا ڦڦڙن ۾ ساھ جي لنگھن ۾ سوزش پيدا ڪندي آهي ۽ انھن کي سوڙھو ڪري ڇڏيندي آهي. ان سان بار بار ساھ ۾ سيٽي وڄندي آهي، ڇاتيءَ ۾ تنگي، ساھ ۾ سھڪو ۽ کنگھ ٿيندي آهي. کنگھ اڪثر رات جو يا صبح جو سوير ٿيندي آهي. دم جي بيماري ھر عمر ۾ ٿي سگھي ٿي پر اڪثر اھا ننڍپڻ ۾ شروع ٿيندي آھي.آمريڪا ۾ اڍائي ڪروڙ ماڻهو دم ۾ مبتلا آھن جن ۾ اسي لک ٻار به شامل آهن.[1] دم جي بيماري علاج سان ختم نہ ٿي سگھندي آهي پر علاج سان ان جا ظاھر ٿيندڙ آثار sumptoms ختم ڪري سگھجن ٿا جن ۾ کنگھ، ساھ جي تنگي ، سيني ۾ سور٬ ساھ ٻاھر ڪڍڻ وقت سيٽي جو وڄڻ وغيره شامل آهن.ائيزما جي ٿيڻ جا مختلف سبب ھوندا آھن ھڪ سبب سرد ۽ خشڪ موسم ۾ ڪثرت يا ورزش ھوندو آھي.ٻيو ڪنھن خاص پيشي جي ڪري جنھن ۾ دم پيدا ڪندڙ ڪيميائي مادا، گئس، دونھون يا مٽي لڳڻ ڪري ماڻھو متاثر ٿيندو آهي. ٽيون سبب الرجي ھوندو آھي.[2]

دم جو علاج[سنواريو]

دم جي علاج ۾ ھوا جي نالين کي ڪشادي ڪرڻ واريون دوائون شامل ھونديون آھن. آھي دوائون گورين جي صورت بہ ھونديون آھن پر سڌو سنئون انھن دوائن کي ڦڦڙن ۽ ھوا جي نالين تائين پھچائڻ لاءِ انھيلر ۽ نيوبلائيزر استعمال ڪيا ويندا آهن جيڪي وڌيڪ اثرائتا ھوندا آھن. ان کان علاوه بلغم مخرج بلغم يا بلغم ڪڍڻ واريون ۽ اينٽي الرجڪ دوائون به شامل ھونديون آھن. دم جو علاج ويڪسين ذريعي به ٿيندو آهي جنھن جو مدو ڇھ مھينا آھي پوء به ان جو نتيجو سؤ فيصد صحتيابي نه ھوندو آھي.ڪن صورتن ۾ دم جو علاج اسٽرائيڊز جي ذريعي بہ ٿيندو آهي پر ان جا منفي اثر وڌيڪ ٿيندا آهن .دم جو علاج يوگا ذريعي بہ ٿيندو آهي جو مفيد آهي. ان ذريعي مخصوص مشقون ڪرايون وينديون آهن. چين ۾ دم جو علاج آڪيوپنڪچر جي ذريعي بہ ٿيندو آهي.[3] پال گارب جو چوڻ آهي تہ جيستائين دم جي سبب جي ڄاڻ نہ ٿي پئي تيستائين دم کي ڦھلجڻ کان به روڪي نہ ٿو سگهجي. دم جي سڃاڻپ کانپوءِ دم جي علامتن کي ظاھر ٿيڻ کان روڪي سگھجي ٿو.[4]. آمريڪا جي خوراڪ ۽ دوائن جي سرڪاري اداري فوڊ اينڊ ڊرگ ايڊمنسٽريشن جو منظور ڪيل نئون علاج جو طريقو برونڪائل ٿرموپلاسٽي (Bronchial Thermoplasty) سڏبو آهي جنھن ۾ تپش جي ذريعي مريض جي ھوا جي نالين کي وڏو ڪيو ويندو آهي پر ڊاڪٽر کتري جو چوڻ آهي تہ ان طريقي جي علاج سان ڦڦڙن ۾ سوزش ۽ دم جي شدت ۾ واڌارو بہ ٿي سگھي ٿو.[4].

حوالا[سنواريو]

  1. {{https://www.nhlbi.nih.gov/health-topics/asthma} Asthma (AZ-ma) is a chronic (long-term) lung disease that inflames and narrows the airways. Asthma causes recurring periods of wheezing (a whistling sound when you breathe), chest tightness, shortness of breath, and coughing. The coughing often occurs at night or early in
  2. {https://www.mayoclinic.org/diseases-conditions/asthma/symptoms-causes/syc-20369653}
  3. {http://www.desiherbal.com/%D8%AF%D9%85%DB%81-%DA%A9%D8%A7-%D8%B9%D9%84%D8%A7%D8%AC/}
  4. 4.0 4.1 {http://www.youtube.com/embed/eQbhtDzFrdU___urduvoa.com}