جمالو گھوٽو
| جمالو گھوٽو | |
|---|---|
 | |
| Baliospermum solanifolium | |
سائنسي درجا بندي  | |
| Unrecognized taxon (fix): | Baliospermum |
جمال گهوٽو (انگريزي نالو: Baliospermum) ٻوٽن جي ھڪ نسل آهي، جيڪي خاندان يوفوراٻياشيا جي اندر آھي ۽ پهرين ڀيرا سال 1825ع ۾ هڪ نسل طور درجه بندي ڪئي وئي.[1][2] اهو ڏکڻ اوڀر ايشيا ۽ هماليه جا ڏيهي آهن.[3][4][5] هي هڪڙو ننڍو وڻ آهي. پن ڊگها، ننڍا ۽ پشمدار اٿس. گل پيلا اٿس. ڦر سائو اڇن ليڪن سان ٿو ٿئيس. ٻج ڪارو ۽ چمڪندڙ اٿس. گلن جي ڪري هتي ڏنو ويو آهي. جمال گهوٽي جو جلاب مشهور آهي. ڪونڪن ۾ ۽ گهاٽن ۾ گهڻو ٿيندو آهي.[6]
نوعون[7]
- باليو اسپرمم انگسٽيفوليم - تبت، چين
- باليو اسپرمم بلوباتم - تبت، چين
- باليو اسپرمم ڪيلسينم - اتر انڊوچائنا، اوڀر هماليه، ينان، چين
- باليو اسپرمم سولانيفوليم - انڊوچائنا، هماليه، ينان، چين، مغربي ملائيشيا، سماترا، جاوا ليسر سنڊا ٻيٽ، انڊونيشيا
- باليو اسپرمم يوئي - ينان، چين، ميانمار
اڳ ۾ شامل
ٻئي نسل، چيلوسا ٽرگونسٽمون ڏانهن منتقل ڪيا ويا؛
- بي. اينالايانم - چيلوسا مونٽانا
- بي. مليانم - چيلوسا مونٽانا
- بي. ريڊيوڊيس - ٽرگونسٽمون ريڊيوڊيس
طب
[سنواريو]- نالا: ع. حب السلاطين، ف. تخم بيد، انجير خطائي، هه. وغيره___ جيپال گهوٽو، دند شاب ۽ حب الملوڪ.
- اثر: گرم خشڪ 4، نقصان: گرم مزاجن کي، ميل: کير يا گيهه، عيوض: ___-، وزن: اڌ رتيءَ کان هڪ رتيءَ تائين.
- سڃاڻپ: هي داڻا هيرڻ جي ڪڪڙين جي نموني تي چٽڪمرا ٿيندا آهن.
(زهردار آهن، تنهنڪري هنن کي اصلاح ڪري پوءِ ڪم آڻجي.)
- خاصيت: گهاٽي بلغم ۽ غليظ خلطن جو جلاب آهي، جلندر، يرقان، ٻرهل، سنڌن جي سور، بادفرنگ، ٽانڪيءَ جي ڦٽن ۽ ڦرڙين، پرميل، مثاني جي ڦٽ، نزلي، سيني ۽ ڦڦڙن جي رطوبت، سخت سوڄ لاءِ مفيد آهي. وڇون ۽ نانگ جي زهر لاءِ ترياق آهي.
- نوٽ: هن کي صفا ڪري کير يا ڏڌ ۾ رڌي، پتا ڪڍي، ليمي جي پاڻيءَ ۾ کرل ڪري پوءِ ڪم آڻجي.[8]
حوالا
[سنواريو]- ↑ Blume, Carl Ludwig von. 1825. Bijdragen tot de flora van Nederlandsch Indië 12: 603-604 in Latin
- ↑ Tropicos, Baliospermum Blume
- ↑ Kew World Checklist of Selected Plant Families
- ↑ Govaerts, R., Frodin, D.G. & Radcliffe-Smith, A. (2000). World Checklist and Bibliography of Euphorbiaceae (and Pandaceae) 1-4: 1-1622. The Board of Trustees of the Royal Botanic Gardens, Kew.
- ↑ Flora of China Vol. 11 Page 277 斑籽木属 ban zi mu shu Baliospermum Blume, Bijdr. 603. 1826.
- ↑ ڪتاب: باغ ۽ باغباني؛ ليکڪ: مرزا قليچ بيگ؛ ايڊيشن: 1960ع؛ پبلشر: سنڌي ادبي بورڊ، ڄامشورو.
- ↑ Kew World Checklist of Selected Plant Families
- ↑ ڪتاب فرھنگ جعفري :؛ ليکڪ: حڪيم محمد جعفر؛ايڊيشن: 2007؛ پبلشر: سنڌي ادبي بورڊ ڄامشورو