تجنيس تام
تجنيس تام (Pun)، تام معنيٰ مڪمل؛ ڪلام ۾ ٻہ اهڙا لفظ آندا وڃن، جي لکڻ توڙي پڙهڻ ۾ هڪجهڙا هجن. پر انهن جي معنيٰ مختلف هجي. مثال تجنيس تام:
- جا هَڙَ اَندَرُ جِيَّ، ساهَڙَ ڏِنِي ساھ کي؛
- سا هَڙَ ڇُڙي نہ ساھ جِي، سا هَڙَ ساهَڙَ رِيَّ؛
- ساهَڙَ ميڙِ، سَمِيعَ! تہ سا هَڙَ ڇُڙي ساھ جِي.
- سُر سھڻي 5:14
هن بيت ۾ ساهڙ لفظ جون ٻہ معنائون آهن: هڪ جي معنيٰ آهي ساهڙُ، يعني ميھار ۽ ٻيو لفظ آهي، سا، هَڙَ يعني اُها ڳنڍ. هن کي تجنيس لفظي بہ چئبو آهي. [1]
حوالا
[سنواريو]- ↑ ڪتاب: ادبي اصطلاحن جي تشريحي لغت؛ مرتب: مختيار احمد ملاح؛ پبلشر: سنڌي لئنگئيج اٿارٽي، حيدرآباد، سنڌ.