بياني لسانيات

کليل ڄاڻ چيڪلي، وڪيپيڊيا مان
نيويگيشن ڏانھن ٽپ ڏيو ڳولا ڏانھن هلو

بياني لسانيات (Descriptive Linguistics) کي ’وضاحتي لسانيات‘ يا ’توضيحي لسانيات‘ بہ چئبو آهي. ڪنھن بہ ٻوليءَ جي عملي طريقن جو ڪنھن بہ هڪ دور ۾ جائزو ورتو ويندو آهي؛ اهو دور چاهي حال جو هجي يا ماضيءَ جي دورن مان ڪو بہ هڪ هجي، پر ان دور جو لکيل رڪارڊ موجود هجي. ’بياني لسانيات‘ ۾ جڏهن ڪنھن ٻوليءَ جي هڪ خاص دور جو جائزو ورتو ويندو آهي، تڏهن ان دور جي ماضيءَ ، توڙي مستقبل جو، ڪو لحاظ نہ رکبو آهي ۽ انھن کي بلڪل نظرانداز ڪري پوءِ ان دور ۾ زبان جون خصوصيتون بيان ڪيون وينديون آهن. ساڳئي وقت انھن ٻين ٻولين کي بہ نظرانداز ڪيو ويندو آهي، جيڪي ان سان گڏوگڏ چالو هونديون آهن.[1]

حوالا[سنواريو]

  1. ڪتاب: ادبي اصطلاحن جي تشريحي لغت؛ مرتب: مختيار احمد ملاح؛ پبلشر: سنڌي لئنگئيج اٿارٽي، حيدرآباد، سنڌ