انگن جو ڏونائي سرشتو

کليل ڄاڻ انسائيڪلوپيڊيا، وڪيپيڊيا مان
ڏانهن ٽپ ڏيو رهنمائي, ڳولا

ھيءُ انگن جو اهڙو سرشتو آھي، جنهن ۾ فقط ٻہ عدد يعني ٻُڙِي 0 ۽ هڪ 1 ٿين ٿا. تنهنڪري انهن انگن جو بنياد ٻہ يا ”ڏُون“ آهي. جيتوڻيڪ اهي انگ انسان لکي پڙهي ۽ سمجهي سگهي ٿو، مگر انسان لاءِ اهڙا انگ ڏهائي سرشتي جي انگن کان نسبتاَ تمام گهڻا ڏکيا آهن. اهڙا انگ ڪلُون يا مشينون، يعني ڪمپيوٽر آسانيءَ سان سمجهي سگهن ٿا. جيئن ڏهائي سرشتي ۾ ساڄي پاسي کان پهريون عدد ايڪا، ٻيون ڏهاڪا، ٽيون سَوَ، چوٿون هزار، وغيره وغيره ٿي ٿو، يعني 10 جِي سگهہ مطابق ملهہ رکي ٿو، تيئن ڏونائي انگن جو پهريون عدد ايڪا، ٻيون ٻڪا، ٽيون چئونڪا، چوٿون اٺا، ٿي ٿو. مطلب تہ هر عدد ٻن جي سگهہ مطابق ملهہ رکي ٿو.