انڊروميڊا ڪهڪشان

کليل ڄاڻ چيڪلي، وڪيپيڊيا مان
Jump to navigation ڳولا ڏانهن هلو
سلجھائپ صفحن جي لاءِ معاونت نظر ھيٺ مضمون فلڪيات تي آهي. ٻين استعمال جي لاءِ ڪهڪشان (سلجهائپ) ڏسو.

انڊروميڊا ڪهڪشان (Andromeda Galaxy) کي M31 جي نالي سان به سڃاتو وڃي ٿو. ھي ڏاڍي دلچسپ ڪھڪشان آھي. هي ڪھڪشان اسان جي مِلڪي وي يا کرائين واٽ کان 25،000،00 نوري ورهين جي پند تي آھي. اسان جي ڪھڪشان جي سڀني کان ويجھي ۾ ويجھي گليڪسي انڊروميڊا ئي آھي . انڊروميڊا اسان جي لوڪل گروپ آف گليڪسي ۾ سڀني کان وڏي ۾ وڏيي ڪھڪشان آھي.

انڊروميڊا ڪھڪشان 2،20،000 نوري ورهين جي پنڌ تي پکڙيل آھي. جڏھن ته اسان جي ھي کيرائين واٽ ڪھڪشان 1،80،000 نوري ورهين جي پنڌ تي پکڙيل آھي.

انڊروميڊا ڪھڪشان جي پھرين ڳولھا 1612ع ۾ جرمن اسٽرانومر Simon Marius سائمن ميريئس ڪئي هئي. 1764ع ۾ چارلس ميسيئر ھن ڪھڪشان جو نالو M31 رکيو. ھي گليڪسي اگھاڙين اکين سان نظر اچڻ باوجود ھن جي لڀڻ جو سهرو سائمن کي ڏانهن وڃي ٿو. 1880ع وليئم فاشنس ھن پھرين تصوير ٺاھڻ ۾ ڪامياب ويو.

2006ع ۾ ھبل ٽيلي اسڪوپ ذريعي خبر پئي ته ھن ڪھڪشان ۾ هڪ Trillion stars يا ھڪ ھزار ڪروڙن کان به وڌيڪ تارا آھن. جيڪي اسان جي کيرائين واٽ يا ملڪي وي کان گهڻا آھن. اسان جي ملڪي وي ۾ چار سئو billion star چاليھ کرب تارا موجود آھن.

انڊروميڊا کي اگھاڙين اکين سان صاف آسمان ۾ ڏسي سگھئون ٿا. فلڪيات جي ڄاڻن جي تحقيق موجب انڊروميڊا ۽ ملڪي وي گليڪسي لڳ ڀڳ ساڍا چار کرب ورهين کان پوءِ پاڻ ۾ ٽڪرائجي ويندا ۽ ھڪ نئين گليڪسي وجود ۾ ايندي. انڊروميڊا لڳ ڀڳ ڏھ ارب ورهيه اڳ وجود ۾ آئي هئي . منڍ ۾ انڊروميڊا ۽ ٽرائينگلر گليڪسيون پاڻ ۾ ويجھا هيون تنهنڪري انڊروميڊا، ٽرائينگلر کي پنھنجي اندر ضم ڪري وڏي ٿي وئي.

جيئن ته ھر ڪھڪشان ۾ بليڪ ھول ھجي ٿو. ھن ڪھڪشان ۾ به ھڪ وڏو بليڪ ھول آھي. جنھن جي چوڌاري تارا ڦرن ٿا. ھن وڏي بليڪ ھول کانسواءِ ڇويھ ٻيا بليڪ ھول به لڀي ٿي چڪا آھن. ھي ڪھڪشان منڍ کان ئي فلڪيات جي ماهرن جو پاڻ ڏانهن ڌيان ڇڪائيندي آئي آهي. مستقبل ۾ اسٽرانومرَ ھن جي باري وڌيڪ ڄاڻ حاصل ڪرڻ لاء جاکوڙ ڪري رهيا آھن. [1]

حوالا[سنواريو]

  1. سائنس جي دنيا: انڊروميڊا ڪهڪشان، ليکڪ: ظهور احمد