اتاشي

کليل ڄاڻ چيڪلي، وڪيپيڊيا مان
Jump to navigation ڳولا ڏانهن هلو

اتاشي (Attache)، ايلچي يا نائب سفارتڪار کي چئبو آهي. پراڻي زماني ۾ ملڪن جا بادشاهه پنهنجن هم منصبن ڏانهن، جيڪي سفارتي نمائندا موڪليندا هئا، تن کي ”اتاشي“ يا ”ايلچي“ سڏيو ويندو هو، پر جديد دور جي سفارتڪاريءَ ۾ ڪنهن به سفارتخاني ۾ عام طرح جونيئر آفيسر يا عملدار کي ساڳي نالي سان سڏيو ويندو آهي، جيڪڏهن ڪو آفيسر گهڻو سينيئر هوندو آهي ته ان جي عهدي کي مخصوص شعبي ۾ حاصل غير فوجي مهارت جي حوالي سان ڳنڍي ”ليبر“، ”ڪمرشل“ ۽ ”ڪلچرل“ اتاشي سڏيو ويندو آهي. ٻئي طرف جيڪڏهن ڪو عملدار ڪنهن به فوجي تجربي ۾ مهارت جي ڪري سفارتخاني ۾ مقرر ڪيو ويندو آهي ته سندس عهدي پٺيان ”سامونڊي“، ”هوائي“ ۽ ”بري“ اتاشي جو لقب ڪتب ايندو آهي. ان جي ابتڙ آمريڪي سفارتخاني ۾ مقرر ٽن سفارتڪارن مان سينيئر کي خود بخود ”دفاعي اتاشي“ سڏيو ويندو آهي، جيڪو مهمان ملڪ ۾ سڀني فوجي معاملن جو نگهبان هوندو آهي. اهي عملدار عام طور تي مقامي فوجي اختيارين سان رابطي ۾ رهندي دفاعي نوعيت جي معلومات حاصل ڪندا آهن ۽ علائقي ۾ تڪراري صورتحال بابت مناسب پاليسي اختيار ڪرڻ لاءِ پنهنجي ۽ ٻين حڪومت سان رابطي ۾ رهندا آهن. [1]

حوالا[سنواريو]