آلو فقير

کليل ڄاڻ انسائيڪلوپيڊيا، وڪيپيڊيا مان
ڏانھن ٽپ ڏيو: رھنمائي, ڳولا

-آلو فقير- نالي بزرگ ذات جو چانڊيو هو ۽ مشهور بزرگ شاهه گودڙئي جو پوئلڳ ۽ پنهنجي وقت جو سخي ۽ سپهه سالار ٿي گذريو آهي. سلطان غياث الدين -بلبن- جي وفات کان پوءِ جڏهن سندس پوٽو 689هه/ 1290ع ۾ -تخت- تي ويٺو ۽ سندس حڪومتي دور ۾ ملڪ اندر افراتفريءَ جو ماحول وڌي ويو ۽ لاقانونيت کي هٿي ملي، تڏهن مرزاڻي قبيلي جي ماڻهن حمل خان مرزاڻي چانڊئي جو مال اچي ڦريو، ڦريل مال واپس ڪرائڻ لاءِ ٻين چانڊين سان گڏ هي درويش به ساڻن ويو. ٻنهي قبيلن وچ ۾ -جنگ- لڳي، جنهن ۾ ٻين ڪيترن ماڻهن سان گڏ هيءُ به قتل ٿي ويو. -آلو فقير- کي 7 رجب 691هه مطابق 1292ع تي اتي ئي -جنگ- جي ميدان ۾ دفن ڪيو ويو.