انسان جو سڀ کان آڳاٽو ماڳ

سائنسدانن اُتر بوٽسوانا جي زمبسي دريا جي ڏکڻ واري پرڳڻي کي هاڻوڪن سڀني انسانن جو آڳاٽو ۽ شروعاتي ٺڪاڻو سڏيو آھي. تاريخدانن جي مطابق اسان جا وڏڙا هتي ستر هزار ورھيه رھيا هئا.

آسٽريليا جي ڪاروان انسٽيٽيوٽ آف ميڊيڪل ريسرچ جي پروفيسر وينيسا چيو آھي ته ”اھو پڌرو آھي ته اڄوڪو جديد انسان ٻه لڳ ورھيه پھرين هتي موجود هو ۽ هتي ستر هزار ورھيه رھڻ ۽ گذارڻ کان پوءِ مُندن ۾ تبديليون اچڻ ڪارڻ اڳتي ٻين پاسن ڏانھن لڏپلاڻ ڪئي هئي، جن مان پھريون گروھ اُتر اولھ پاسي، ٻيو ڏکڻ اولھ پاسي ڏانھن ۽ ٽيون گروھ اُتي ئي رھي پيو هو ۽ چاليھ کان پنجھاھ هزار ورھيه پھرين تائين انسان يورپ تائين پھچي چُڪو هو.