ڪوسووو ۾ اسلام

يورپ ۾ اسلام
ملڪن جي آبادي جي حساب سان شرح

90–100%	آذربائيجان ڪوسووو ترڪي
70–80%	قازقستان
50–70%	بوسنيا ۽ ھرزگوينيا البانيا
30–50%	اتر مقدونيه
10–20%	بلغاريه قبرص جارجيا مانٽينيگرو روس
5–10%	آسٽريا سويڊين بيلجيم فرانس جرمني يونان ليچٽنسٽائين نيدرلينڊز سوئيٽزرلينڊ گڏيل بادشاھت ناروي ڊينمارڪ
4–5%	اٽلي سربيا
2–4%	لڪسمبرگ سلووينيا اسپين
1–2%	ڪروشيا آئرلينڊ يوڪرين
< 1%	اينڊورا آرمينيا بيلاروس چيڪ ريپبلڪ اسٽونيا فنلئنڊ ھنگري آئس لينڊ ليٽويا لٿونيا مالٽا مولدووا موناڪو پولينڊ پورچوگال رومانيه سان مارينو سلوواڪيه

ڪوسووو ۾ اسلام جي هڪ ڊگهي تاريخ آهي جيڪا عثماني دور ۾ بلقان جي فتح کان وٺي هلي ٿي. سال 1389ع ۾ ڪوسوو جي جنگ کان اڳ، سڄو بلقان جو علائقو اولهائين ۽ اوڀرين رومن سلطنت ٻنهي طرفان عيسائي بڻايو ويو هو. سال 1389ع کان 1912ع تائين، ڪوسووو تي سرڪاري طور تي مسلم عثماني سلطنت جي حڪومت هئي ۽ ڪيٿولڪ ۽ آرٿوڊوڪس البانوي ماڻهن ۾، عثماني حڪومت جي تحت صوفي سلسلن جي ڪري وڏي پيماني تي اسلام ڏانهن تبديلي جو واقعو ٿيو. عيسائي ۽ مسلمان البانوي ٻنهي آپس شاديون ڪيا ۽ ڪجهه هڪ گڏيل حيثيت ۾ "لارامن طور رهندا هئا، جن کي ڪرپٽو-عيسائي پڻ سڏيو ويندو هو. ٻي مهاڀاري جنگ کان پوءِ جي عرصي دوران، ڪوسووو تي سوشلسٽ فيڊرل ريپبلڪ آف يوگوسلاويا (SFRY) جي سوشلسٽ اختيارين جي حڪومت هئي. انهيءَ عرصي دوران، ڪوسووو وارا وڏي پيماني تي وڌيڪ سيڪيولر ٿي ويا. ڪميونسٽ دور جي خاتمي کان پوءِ، ڪوسووو ۾ مذهب جو احياء ٿيو. اڄ، ڪوسوو جي آبادي جو %95.6 سني مسلمان آهن، جن مان گهڻا نسلي البانوي آهن. اتي غير البانيائي ڳالهائيندڙ مسلمان پڻ آهن، جيڪي پاڻ کي بوسنيائي، گوراني ۽ ترڪ طور بيان ڪن ٿا.

ڪوسووو ۾ اسلام گهڻو ڪري حنفي سني مسلڪ سان ڳنڍيل آهي، جيڪا بلقان ۾ سڀ کان وڌيڪ وسيع روايت آهي. ان کانسواء، ڪوسووو ۾ صوفي سلسلا آهن، خاص طور تي بيڪتاشي سلسلو جيڪو شيعه ۽ صوفي روايتن جي عنصرن کي ملائي ٿو. ٻيا صوفي سلسلا، جهڙوڪ حلويتي ۽ قادري سلسلا، پڻ موجود آهن. پيو ريسرچ سينٽر جي سال 2012ع جي هڪ مطالعي مطابق، ڪوسووو ۾ 58 سيڪڙو مسلمان غير فرقيوار مسلمان آهن، جيڪي ڪنهن خاص فرقي يا مسلڪ جي سختي سان پيروي ڪرڻ کانسواءِ اسلام تي عمل ڪري رهيا آهن.