ڪملا ڪيسواڻي
| ڪملا ڪيسواڻي | |
|---|---|
| پيدائش | 27 آگسٽ 1934 ڪراچي, سنڌ, برطانوي راڄ |
| وفات | 9 مئي 2009 جئپور ، ھندستان |
| پيشو | پس پردہ ڳائڻي, لوڪ گلوڪارہ |
| سَرگَرمُ سالَ | 1950–2000 |
ڪملا ڪيسواڻي (27 آگسٽ 1934 - 9 مئي 2009) هڪ هندستاني لوڪ گلوڪارہ ۽ پلي بيڪ ڳائڻي هئي. هوءَ هندستان جي مشهور سنڌي ٻولي جي ڳائڻين مان هڪ هئي.
ابتدائي زندگي
[سنواريو]ڪملا 27 آگسٽ 1934 تي سنڌ جي شھر ڪراچيءَ ۾ ۾ پيدا ٿي. سندس والدين جو تعلق سکر سان هو. سندس پيءُ گوبند رام مدناڻي هڪ ٽيليفون آپريٽر هو. هن سکر جي ھڪ اسڪول ۾ تعليم حاصل ڪئي ۽ صرف 13 سالن جي هئي جڏهن هندستان جو ورهاڱو ٿيو. [1] ٻين هندو سنڌين وانگر، هوءَ 1947 ۾ هندستان لڏي آئي ۽ پهرين جوڌپور ، پوءِ بيڪانير ۽ آخرڪار جئپور ۾ آباد ٿي. هن جئپور ۾ پنهنجي تعليم جاري رکي ۽ راجستان يونيورسٽي مان بيچلر آف آرٽس جي ڊگري حاصل ڪئي. هن کي اسڪول جي ڏينهن کان ئي موسيقيءَ ۽ ڳائڻ ۾ دلچسپي هئي.
گائڪيءَ جو سفر
[سنواريو]هن پنهنجي ڳائڻ جي سفر جي شروعات آل انڊيا ريڊيو کان ڪئي. هن ڪيترائي سهرا، لااڏا، صوفي ڪلام، ۽ سنڌي ۽ راجسٿاني ٻولين ۾ لوڪ گيت ڳايا. سندس ڪجهه مشهور گيت هز ماسٽر وائس ۽ آل انڊيا ريڊيو پاران پڻ رڪارڊ ڪيا ويا. [2] هن سڄي هندستان ۽ ٻاهرين ملڪن ۾ شاديءَ جي پارٽين، سماجي گڏجاڻين ۽ موسيقيءَ جي پروگرامن ۾ پنھنجي آواز جو جادو جاڳايو. هوءَ هندستاني ٽي وي چينلن تي پڻ سر وکيريندي هئي. سندس گيتن جا ڪيترائي البم پڻ جاري ڪيا ويا. [3]
مشهور موسيقار سي. ارجن هن کي سنڌي فلمن ۾ هڪ پلي بيڪ سنگر جي حيثيت سان متعارف ڪرايو. [4] هن هيٺ ڏنل سنڌي ٻوليءَ جي هندستاني فلمن ۾ پلي بيڪ سنگر جي حيثيت سان پرفارم ڪيو: [5]
- هو جمالو
- شل ڌيئر نہ ڄمن
- لاڏلي
موت
[سنواريو]ڪملا ڪيسواڻي 9 مئي 2009ع تي جئپور ، انڊيا ۾ وفات ڪئي.
حوالا
[سنواريو]- ↑ "ڪملا ڪيسواڻي : راڳ کي عروج بخشيندڙ گلوڪاره". SindhSalamat. 2022-05-11 تي حاصل ڪيل.
- ↑ Malhi, Gobind (October 1991). ادب ۽ اديب (Literature and Literary Person) (Sindhi ۾). Ulhasnagar, India.: Sindhi Times Publication. ص. 4.
{{cite book}}: CS1 maint: unrecognized language (ڳنڍڻو) - ↑ Ramchandani, Deepak (2013). Sindhis in Film Industry (PDF) (English ۾). ص. 12.
{{cite book}}: CS1 maint: unrecognized language (ڳنڍڻو) - ↑ "چندناڻي ارجن (سي ارجن) : (Sindhianaسنڌيانا)". www.encyclopediasindhiana.org. 2022-05-10 تي حاصل ڪيل.
- ↑ "Kamla Keswani - Encyclopedia of Sindhi". sindhiwiki.org. 2022-05-11 تي حاصل ڪيل.