ڦٽو

ڦٽو (Plank) ڪاٺ جو هڪ سنئون، ڊگهو ۽ مستطيل ٽڪرو هوندو آهي، جنهن جون سطحون هڪ ٻئي سان برابر هونديون آهن. هي ويڪر جي ڀيٽ ۾ وڌيڪ ڊگهو هوندو آهي.^[1] ڦٽا خاص طور تي واڍڪي ڪم ۾ استعمال ٿيندا آهن ۽ جھاز سازي، گهرن جي اڏاوت، پلن ۽ ٻين ڪيترن ئي اڏاوتن ۾ بنيادي حيثيت رکن ٿا.^[2] ان کانسواءِ هي سامان رکڻ وارين کٻٽن (Shelves) ۽ ميزن ٺاهڻ لاءِ پڻ ڪم ايندا آهن.

بناوٽ ۽ سائيز

ڦٽا عام طور تي ڪاٺ کي اهڙي ريت چيري تيار ڪيا ويندا آهن جو ان جو ريشو (Grain) ڊگهائيءَ ۾ هجي. هڪ ڦٽو عام طور تي 1.5 انچ (38 ملي ميٽر) کان وڌيڪ ٿلهو ۽ 2.5 انچ (64 ملي ميٽر) کان وڌيڪ ويڪرو هوندو آهي. تعميراتي ڪمن ۾ بلنديءَ تي ڪم ڪرڻ لاءِ "پاڙي" (Scaffolding) طور استعمال ٿيندڙ ڦٽا ايترا مضبوط هجڻ گهرجن جو ماڻهوءَ جو وزن برداشت ڪري سگهن.

آمريڪا ۾ ڦٽن جي عام سائيز 2x8، 2x10 ۽ 2x12 انچن تائين هوندي آهي. جرمنيءَ ۾ قومي معيار (DIN 68252) موجب تختي جي ٿولهه گهٽ ۾ گهٽ 40 ملي ميٽر هجڻ لازمي آهي.

تاريخي اهميت ۽ جھاز سازي

ڦٽو قديم زماني ۾ بحري آمد و رفت جو بنياد هو. اڪثر ڪاٺ پاڻيءَ تي ترندو آهي ۽ ٻيلن جي گهڻائيءَ سبب ڪاٺ جا ٿڙ آسانيءَ سان ملي ويندا هئا، جنھن ڪري جهاز سازيءَ ۾ ڦٽو سڀ کان اهم مادو بڻجي ويو. پر 20هين صديءَ کان وٺي، جهازن جي اڏاوت ۾ ڪاٺ جي جاءِ لوھ ۽ اسٽيل والاري ورتي آهي تہ جيئن خرچ گهٽجي ۽ پائيداري وڌي سگهي.^[3]