ڊينمارڪ ۾ اسلام

يورپ ۾ اسلام
ملڪن جي آبادي جي حساب سان شرح

90–100%	آذربائيجان ڪوسووو ترڪي
70–80%	قازقستان
50–70%	بوسنيا ۽ ھرزگوينيا البانيا
30–50%	اتر مقدونيه
10–20%	بلغاريه قبرص جارجيا مانٽينيگرو روس
5–10%	آسٽريا سويڊين بيلجيم فرانس جرمني يونان ليچٽنسٽائين نيدرلينڊز سوئيٽزرلينڊ گڏيل بادشاھت ناروي ڊينمارڪ
4–5%	اٽلي سربيا
2–4%	لڪسمبرگ سلووينيا اسپين
1–2%	ڪروشيا آئرلينڊ يوڪرين
< 1%	اينڊورا آرمينيا بيلاروس چيڪ ريپبلڪ اسٽونيا فنلئنڊ ھنگري آئس لينڊ ليٽويا لٿونيا مالٽا مولدووا موناڪو پولينڊ پورچوگال رومانيه سان مارينو سلوواڪيه

ڪوپن هيگن ۾ ڪوپن هيگن جي جامع مسجد ڊينمارڪ جي سڀ کان وڏين مسجدن مان هڪ آهي.

ڊينمارڪ ۾ اسلام، ملڪ جو سڀ کان وڏو اقليتي مذهب هجڻ جي ڪري، ان جي سماجي ۽ مذهبي منظرنامي کي شڪل ڏيڻ ۾ ڪردار ادا ڪري ٿو. ڊينش محقق برائن آرلي جيڪبسن جي سال 2020ع جي تجزيي موجب، جنوري 2020ع ۾ ڊينمارڪ ۾ مسلمان اٽڪل 256,000 جي آبادي سان ابادي جو 4.4 سيڪڙو هئا. جڏهن ته، سال 2005ع ۾ بي بي سي پاران رپورٽ ڪيل انگن اکرن موجب، ان وقت ڊينش آبادي جو لڳ ڀڳ %4.8، 5.6 ملين مان لڳ ڀڳ 270,000 مسلمان آهي. معاشي مهاجرن ۽ پناهگيرن جي شموليت سان گڏ ڪيترن ئي لڏپلاڻ جي لهرن جي ڪري گذريل ڪيترن ئي ڏهاڪن کان انگ وڌي رهيو آهي. سال 1980ع ۾، اندازاً 30,000 مسلمان ڊينمارڪ ۾ رهندا هئا، جيڪي آبادي جو 0.6 سيڪڙو هئا.

ڊينمارڪ ۾ مسلمانن جي اڪثريت سني آهئ، جڏهن ته شيعه مسمانن جي هڪ وڏي اقليت پڻ موجود آهي. احمديه (قادياني) برادري جا ميمبر پڻ ڊينمارڪ ۾ موجود آهن. 1970ع جي ڏهاڪي ۾ مسلمان ترڪي، پاڪستان، مراڪش ۽ اڳوڻي يوگوسلاويا (خاص طور تي بوسنيا) کان ڪم ڪرڻ لاءِ پهتا. 1980ع ۽ 1990ع جي ڏهاڪن ۾ مسلمانن جي اڪثريت ايران، عراق، صوماليا ۽ بوسنيا کان پناهگيرن جي هئي. ان کان سواء، ڪجهه نسلي ڊينش باشندا پڻ اسلام قبول ڪيا آهي؛ سال 2017ع ۾، لڳ ڀڳ 3,800 ڊينمارڪ جا اصل باشندا مسلمان ٿيا. آرهس يونيورسٽي جي هڪ سروي موجب، مسجدن جو تعداد مسلسل مٿي جي طرف وڌي رهيو آهي، سال 2006ع ۾ 115 کان وڌي سال 2017ع ۾ 161 ٿي ويو آهي (40 سيڪڙو جو اضافو).