ٺيڙهي

ٺيڙھي (حبيب آباد)
ملڪ	پاڪستان
پُرڳڻو يا صوبو	سنڌ
ضلعو	خيرپور

ٺيڙھي (Therhi) پاڪستان جي صوبي سنڌ جي ضلعي خيرپور ۾ هڪ ٽائون ۽ يونين ڪائونسل آهي. شهر نيشنل هاءِ وي ذريعي سکر جي رُخ ۾ خيرپور شهر کان 7 ڪلوميٽر پري آهي.

ٺيڙھي پاڪستان ۾ کجي جي اُپت (پيداوار) لاءِ مشهور مرڪز آهي. کجي جي فصلن جي کڻڻ يا ھارويسٽنگ جي وقت ۾، مئي ۽ آگسٽ جي وچ ۾، فصل جي لاباري ۾ سھائتا ڪرڻ جي لاءِ هزارين ماڻهو سموري ملڪ مان خاص طور تي ڏکڻ پنجاب ۽ بلوچستان کان ٺيڙھي ايندا آھن.

هنڌ

ٺيڙھي : خيرپور شهر کان 7 ڪلوميٽر پري نيشنل هاءِ وي ذريعي سکر جي رُخ ۾ آباد آھي.

ڊيموگرافڪ

آبادي 45،000 جي لڳ ڀڳ آھي آبادي جي سراسري سالياني اوسر جي شرح 2.71٪ سيڪڙو آھي.

هيٺيان ڊيموگرافڪ اشارا (اِنڊيڪيٽرز) آهن:

ڌرم (مذھب):

• اسلام : 96٪ سيڪڙو
• هندو مت : 4٪ سيڪڙو

ٻوليون:

• سنڌي : 99.99٪ سيڪڙو
• ٻيون: 0.01 ٪ سيڪڙو

سرڪار (گورنمينٽ)

ٺيڙھي ھڪ يونين ڪاؤنسل آھي.

تعليم

ٻه قسم جا تعليمي نظام ڳوٺ ۾ موجود آهن ، يعني:

1. مدرسي تعليم جو نمونو: اتي ٽي اهم مدرسا آهن جيڪي ڳوٺ اندر اسلامي تعليم ڏئي رهيا آهن.

2. عصري يا جديد تعليم: ڳوٺ ۾ تعليم لاءِ ڪم ڪندڙ سرڪاري ۽ خانگي اسڪول آهن.

• گورنمنٽ پرائمري مين اسڪول ، ٺيڙھي
• گورنمينٽ ھاءِ اسڪول ، ٺيڙھي
• ميهراڻ پبلڪ اسڪول ، ٺيڙھي
• الفلاح تعليمي اڪيڊمي
• پروگينٽر، جيڪو ڪين پيڪ ايجوڪيشن سسٽم جو ڀاڱو آهي
• ال صوفا پبلڪ اسڪول ٺيڙھي (رجسٽرڊ).

دي ايجوڪيٽرز اسڪول خيرپور ٺيڙھي ڪيمپس

زراعت

ٺيڙھي پنھنجي وڏي انگ (تعداد) ۾ کجين جي پوک لاءِ مشھور آھي. جيتوڻيڪ، زمين جي مٽي ڪيترن ئي نقد يا ڏوڪڙن وارن ٻين فصلن جھڙوڪ ڪپهه ۽ ڪڻڪ لاءِ موزون آهي. خشڪ، گرم آبهوا، ميوي کي تمام گھڻو مِٺو، سرسبز ۽ رَسُ وارو بڻائي ٿي. اها آبھوا اونهاري ۾ سخت گرم ۽ سج جي تپش واري ھوندي آهي ۽ سياري جي مُند ۾ سرد ھوندي آھي. نمي يا ھيومڊيٽي گهٽ آهي.

رانديون

• قاضي شوٽنگ بال ڪلب (1954 کان وٺي)
• ميمڻ والي بال ڪلب (1994 کان)
• قاضي ڪرڪيٽ ڪلب (2000 کان)

قبيلا يا ذاتيون

ميمڻ ، شيخ ، لانگاھ ، هندو ، ڪلهوڙا، دانور Danwar ، سومرو ، ڦلپوٽو، جماڻي، ڪٽپر، چنا ، لُٻاڻو، جلباڻي، اوڏ، ڀيل، ماڙيچو، مري ، اُڄڻ وغيرھ ذاتين جا ماڻھو ھتي آباد آھن

وڳوڙ

تفصيلي مضمون لاءِ پڙھو ٺيڙھي ڪوس

جون 6، 1963 تي، مذھبي شدتپسندي ۽ مدرسن جي گھڻائي ڪري ٺيڙھي ۾ شيعا فرقو جي ماڻھن جو ھڪ وڏو انساني ڪوس ڪيو ويو، جنھن ۾ 118 شيعا ماڻھن کي قتل ڪيو ويو.