وڪيپيڊيا:بهترين مضمون/2026/مهينو مارچ
چانڪيا (375–283 ق.م) هڪ قديم ڀارتي ڏاھو فلسفي هو، جيڪو استاد، ليکڪ، حڪمت عملي جو ماهر، فلسفي، معاشيات دان، قانوندان ۽ سياستدان طور سرگرم رهيو. هن کي روايتي طور تي ڪوٽليا يا وشنوگپت سڏيو ويندو آهي، جنهن قديم ڀارتي سياسي ڪتاب ارٿ شاستر لکيو، جيڪو لڳ ڀڳ چوٿين صدي ق.م کان ٽين صدي عيسوي جي وچ ۾ لکيو ويو. چانڪيا کي ڀارت ۾ سياسي سائنس ۽ معاشيات جو باني سمجهيو ويندو آهي، ۽ هن جو ڪم ڪلاسيڪي معاشيات جو اهم پيش رو آهي. هن جا لکيل ڪتاب گپت سلطنت جي پڇاڙيءَ ۾ ڇهين صدي عيسوي ۾ وڃائجي ويا ۽ 20هين صدي جي مُنڍ ۾ ٻيهر ھٿ ٿيا. لڳ ڀڳ 321 ق.م ۾، چانڪيا پهرين موريا حڪمران چندرگپت جي اقتدار ماڻڻ ۾ واھر ڪئي، ۽ هن کي موريا سلطنت اسٿت ڪرڻ ۾ اهم ڪردار نڀائڻ جو ڪريڊٽ ڏنو وڃي ٿو. چانڪيا چندرگپت موريا ۽ ان جي پٽ بندوسار جي مکيه صلاحڪار ۽ وزيراعظم طور خدمتون انجام ڏنيون.
