وفا پلي
 | هن مضمون کي وڌيڪ حوالن جي ضرورت آهي ته جيئن حقيقتن جي تصديق ڪري سگهجي. |
ولي محمد وفا پلي (Wali Mohammad Wafa Pali) غزل جي مشهور شاعر جو اصل نالو ولي محمد ولد خانصاحب عطا محمد پلي آهي. هن 7 ڊسمبر 1944ع تي ڳوٺ خان صاحب عطا محمد پلي، ضلعي عمرڪوٽ ۾ جنم ورتو.
تعليم
[سنواريو]هن جي تعليم سنڌي فائنل ۽ اديب سنڌي آهي.
ادبي سفر
[سنواريو]ولي محمد ’وفا‘ همعصر دؤر جو هڪ پختو شاعر آهي. شاعريءَ ۾ ڪافيون ۽ غزل سندس پسند جون صنفون آهن. هي خاص ڪري غزل ۾ پنهنجو منفرد لهجو، اسلوب ۽ گهاڙيٽو رکي ٿو. کيس نامور فنڪارن عابده پروين، استاد غلام قادر، سينگار علي سليم ۽ شفيع فقير خاص طور ڳايو آهي. ولي محمد وفا، پيشي جي لحاظ سان زميندار آهي. هن وٽ به پنهنجي ڀاءُ عبدالڪريم پليءَ وانگر اديبن ۽ شاعرن جون هميشه محفلون متل هونديون آهن.
ڪم
[سنواريو]شاعري
[سنواريو]- لونءَ لونءَ منجهہ لغار (1962ع)
- درد هزارين هڪڙي دل (1 جنوري، 2001ع)
وفات
[سنواريو]وفا پلي، 17 اپريل 2019ع تي ڊگهي بيماريءَ کان پوءِ هن فاني جهان مان لاڏاڻو ڪري ويو.[1]
مڃتا
[سنواريو]- 2004ع سنڌي غزل جو بادشاھ شاعر (سنڌي ادبي سنگت، سنڌ)[2]
حوالا
[سنواريو]- ↑ ڪتاب: انسائيڪلوپيڊيا سنڌيانا، جلد ٽيون، ڇپيندڙ: سنڌي لئنگئيج اٿارٽي (ISBN 978-969-9098-40-6) سال: 2011
- ↑ "ولي محمد وفا پلي : سنڌي غزل جو بادشاهه شاعر", سنڌ سلامت فورم, 17 فيبروري 2012, حاصل ڪيل 27 سيپٽمبر 2025۔