نُنھن
نُنھن هڪ اهم خانداني رشتو آهي، جيڪو شاديءَ جي نتيجي ۾ قائم ٿئي ٿو. پٽ جي گهرواريءَ (زال) کي مائٽن پاران نُنھن چيو ويندو آهي. هي رشتو خاص طور تي ساهرن (سَسُ ۽ سھري) سان لاڳاپيل هوندو آهي.
سنڌي سماج ۾ حيثيت
[سنواريو]سنڌي ثقافت ۽ سماجي زندگيءَ ۾ ننهن کي "گھر جي لڄ" ۽ "ٻي ڌيءَ" جو درجو ڏنو ويندو آهي. جڏهن ڪا ڇوڪري شادي ڪري ساهرن جي گهر اچي ٿي، ته هوءَ ان خاندان جو اڻٽٽ حصو بڻجي وڃي ٿي.
- سَسُ ۽ نُنھن: سنڌي گهرن ۾ سَسُ ۽ ننهن جو رشتو تمام گهڻو اهميت رکي ٿو. روايتي طور تي سَسُ کي ماءُ جي برابر سمجهيو ويندو آهي.
- سھرو ۽ نُنھن: سھرو ننهن لاءِ پيءُ جي شفقت جهڙو هوندو آهي ۽ ننهن سندس عزت جو خيال رکندي آهي.
سماجي ۽ ثقافتي پهلو
[سنواريو]سنڌي سماج ۾ ننهن جي آمد تي خوشيون ملهايون وينديون آهن. نئين ننهن لاءِ مختلف ريتون رسمون جهڙوڪ "منهن ڏيکاري" (گل خيري) وغيره ڪيون وينديون آهن. ننهن کي گهر جي ذميوارين ۽ ٻارن جي پرورش ۾ مرڪزي حيثيت حاصل هوندي آهي.
اصطلاح ۽ چوڻيون
[سنواريو]سنڌي ٻوليءَ ۾ ننهن جي حوالي سان ڪيتريون ئي چوڻيون ۽ پهاڪا مشهور آهن، جيڪي هن رشتي جي نازڪي ۽ اهميت کي ظاهر ڪن ٿا. مثال طور:
- "ڌيءَ کي چئجي ته ننهن کي لڳي" (يعني ڪنهن کي اڻسڌي طرح نصيحت ڪرڻ).