محمد ﷺ جي اولاد
| محمد ﷺ جو اولاد | |||||||||||||||||
|---|---|---|---|---|---|---|---|---|---|---|---|---|---|---|---|---|---|
| ٻار ٻچا |
| ||||||||||||||||
عام اسلامي روايتن موجب، اسلام جي آخري نبي حضرت محمد ﷺ کي ٽي پٽ ۽ چار ڌيئرون هيون. پٽن جا نالا قاسم، عبدالله، ۽ ابراهيم هئا، جڏهن ته ڌيئرن جا نالا زينب، رقيہ، ام ڪلثوم ۽ حضرت فاطمه آهن.
ابراهيم کان سواءِ محمد ﷺ جو سمورو اولاد پهرين گهرواري خديجة الڪبريٰ مان پيدا ٿيو. ابراهيم جي والده ماريه قبطيه هئي. محمد ﷺ جي پٽن مان ڪو به بلوغت جي عمر تائين نه پهچي سگهيو، پر سندن سموريون ڌيئرون جوان ٿيون. نبي ڪريم ﷺ جي وفات وقت صرف حضرت فاطمه رضي الله عنها زنده هئي.
سني نقطي نظر
[سنواريو]سني اسلامي ماخذن موجب، نبي ڪريم ﷺ جو اولاد هن ترتيب سان پيدا ٿيو:
- قاسم: (598–601ع) پاڻ ﷺ جي پهرين پٽ هئڻ ڪري پاڻ کي "ابوالقاسم" چيو ويندو آهي.
- زينب: (599–629ع) سڀ کان وڏي ڌيءَ، جنهن جو نڪاح ابوالعاص ابن ربيع سان ٿيو.
- رقيہ: (601–624ع) جنهن جو نڪاح حضرت عثمان غني سان ٿيو.
- ام ڪلثوم: (603–630ع) حضرت رقيہ جي وفات کانپوءِ هن جو نڪاح به حضرت عثمان سان ٿيو.
- فاطمه: (605–632ع) سڀ کان ننڍي ۽ لاڏلي ڌيءَ، جنهن جو نڪاح حضرت علي ابن ابي طالب سان ٿيو.[1]
- عبدالله: (611–615ع) کيس طاهر ۽ طيب به چيو ويندو آهي.
- ابراهيم: (630–632ع) مديني منوره ۾ حضرت ماريه قبطيه مان پيدا ٿيو.[2]
شيعه نقطي نظر
[سنواريو]اثنا عشري شيعه ماخذن مان ڪجهه جو اهو رايو آهي ته حضرت فاطمه الزهرا ئي نبي ڪريم ﷺ جي واحد حياتياتي (Biological) ڌيءَ هئي.[3] انهن جو استدلال آهي ته حضرت خديجه جي عمر کي ڏسندي ايتري اولاد جو هجڻ مشڪل آهي. انهن موجب زينب، رقيہ ۽ ام ڪلثوم يا ته حضرت خديجه جي ڀيڻ "هالا" جون ڌيئرون هيون جن جي پرورش محمد ﷺ ڪئي هئي،[4] يا اهي حضرت خديجه جي اڳوڻي مڙس مان هيون.[5] تنهن هوندي به، هي رايو شيعه عالمن جي هڪ گروهه جو آهي، جڏهن ته عام طور تي کين نبي ﷺ جي نپٽن طور سڃاتو ويندو آهي.
نسل ۽ اولاد
[سنواريو]محمد ﷺ جا سمورا پٽ ننڍپڻ ۾ ئي وفات ڪري ويا هئا.[6] ڪجهه تاريخ نويسن جو خيال آهي ته پٽن جي وفات وراثت تي ٻڌل جانشينيءَ جي نظام کي ختم ڪري، الهامي چونڊ (جانشيني) لاءِ راهه هموار ڪئي.[7]
نبي ﷺ جو نسل حضرت فاطمه ۽ حضرت عليءَ جي اولاد (حضرت حسن ۽ حضرت حسين) مان سڄي دنيا ۾ پکڙيو.[1] سندن نسل کي سيد يا شريف جي لقب سان عزت ڏني ويندي آهي.[8] زينب مان هڪ نياڻي امامه بنت ابي العاص هئي، جنهن سان حضرت فاطمه جي وفات کانپوءِ حضرت عليءَ نڪاح ڪيو هو.[9]
پڻ ڏسندا
[سنواريو]حوالا
[سنواريو]- 1 2 Buehler 2014.
- ↑ Ali 2008, p. 17.
- ↑ Abbas 2021, p. 33.
- ↑ Fedele 2018, p. 56.
- ↑ Keaney 2021, p. 135.
- ↑ Hughes 1885, p. 869.
- ↑ Madelung 1997, pp. 9, 17.
- ↑ Kazuo 2012, p. 2.
- ↑ Haylamaz 2007, p. 83.
ڪتابيات
[سنواريو]- Abbas, H. The Prophet's Heir: The Life of Ali ibn Abi Talib. Yale University Press, 2021.
- Ali, K. "Khadijah" in Oxford Encyclopedia of Women in World Religions. 2008.
- Madelung, W. The Succession to Muhammad. Cambridge University Press, 1997.