فرح پهلوي

فرح پهلوي
فرح پهلوي
پيدائش	فرح دیبا; 14 October 1938 (age 87); تهران، ايران،
قوميت	ايراني
ٻيا نالا	شهبانو فرح ; ملکہ فرح
بُڻ بُڻياد	ايراني آذربائيجان
تعليم	École Spéciale d'Architecture
مادر علمي	معمار
شھرت جو ڪارڻ	سماجي ڪم; سادگي
جيون ساٿي	محمد رضا شاهه پهلوي
ٻار ٻچا	رضا پھلوي; فرح ناز پھلوي; علي رضا پهلوي; ليلیٰ پھلوي
ماءُپيءُ	سهراب ديبا; فريده قطبي
سڃاڻپ نشان
ويب سائيٽ
	شهبانو فرح سرڪاري ويبسائيٽ

فرح پهلوي (ٻيا نالا: جنم نالو: فرح ديبا، اَلَ:شھبانو فرح)^[1] (جنم 14 آڪٽوبر 1938 ^[2]) ايران جي آخري راڻي ۽ پهلوي شاھي گھراڻي جي آخري حڪمران محمد رضا شاهه پهلوي جي ٽئين زال ۽ بيوه آهي.^[3]^[4]^[5] هوءَ محمد رضا شاهه پهلوي جي ٽئين گهرواري هئي. 1959 ۾ شادي کان پوءِ، هن کي "شهبانو" جو لقب مليو ۽ هوءَ ايراني تاريخ ۾ تاج پوشي ڪندڙ پهرين عورت بڻجي وئي. 1979 جي انقلاب کان پوءِ هوءَ جلاوطني ۾ زندگي گذاري رهي آهي.

هوءَ ايران جي گاديءَ واري شهر تهران ۾ پيدا ٿي هئي. هوءَ پنهنجي والدين ، سهراب ديبا ۽ فريده قطبي جي سڪيلڌي ڌيءُ هئي.^[2]^[6] سندس ماءُ گيلان پرڳڻي جي هئي، جڏهن ته سندس پيءُ ايراني شاهي سئنا ۾ آفيسر هو، جنهن جا وڏا ايراني آذربائيجان جا هئا. فرح جو پيءُ ان وقت فوت ٿي ويو جڏهن هوءَ ننڍڙي ٻار هئي.^[6]

فرح تهران ۾ فرينچ اسڪول ۽ پيرس ۾ ايڪول اسپيشل ڊي آرڪيٽيڪچر ۾ تعليم حاصل ڪئي. هوءَ شاهه سان پنهنجي شاگردي واري ڏينهن ۾ ملي هئي، ۽ انهن 21 ڊسمبر 1959 تي پرڻو ڪيو. فرح کي شاهه سان چار ٻار هئا، جن ۾ ٻه پٽ ۽ ٻه ڌيئرون شامل هيون.^[6]

رضا پهلوي (جنم آڪٽوبر 30، 1960)^[6]
فرح ناز پهلوي (جنم 12 مارچ 1963)^[6]
علي رضا پهلوي (جنم اپريل 28، 1966 - وفات جنوري 4، 2011)^[6]
ليلا پهلوي ^[6](جنم: 27 مارچ، 1970 - وفات: 10 جون، 2001)

شادي ۽ تاجپوشي کان پوءِ به، راڻي جي حيثيت سان، هوءَ فن ۽ ثقافت جي کيتر ۾ سرگرم رهي.

انقلاب ۽ ڏيھ نيڪالي

ايراني انقلاب کان پوءِ هوءَ شاهه سان گڏ ملڪ ڇڏي وئي. ڪجهه ڏينهن اڳ، سڀني ٻارن کي آمريڪا ۾ فريده ديبا (راڻي جي ماءُ) ڏانهن موڪليو ويو هو. شاهه ۽ راڻي پهريان مصر ويا، پوءِ مراڪش ، بهاماس ، ميڪسيڪو ، آمريڪا ۽ پاناما، مصر واپس اچڻ کان اڳ، جتي اهي 27 جولاءِ 1980 تي شاهه جي وفات تائين رهيا. بعد ۾ فرح گرين وچ، ڪنيڪٽيڪٽ ۾ هڪ گهر ورتو، ۽ 2001 ۾ ليلا پهلوي جي موت (خودڪشي ) کان پوءِ، هن هي گهر ڇڏي واشنگٽن ڊي سي جي ويجهو پوٽوميڪ، ميري لينڊ ۾ هڪ گهر خريد ڪيو، ته جيئن پنهنجن پٽن ۽ پوٽن جي ويجهو رهي سگهي. هاڻي هوءَ پنهنجو گهڻو وقت واشنگٽن، نيويارڪ ، پيرس ۽ قاهره ۾ گذاري ٿي. سندس پٽ رضا پهلوي سياسي طور تي ايران ۾ بادشاهت بحال ڪرڻ جي ڪوشش ۾ سرگرم آهي. رضا ۽ سندس زال ياسمين جا ٽي پوٽا (ايمان، نور ۽ فرح) آهن.

جيون خاڪو

2003 ۾، فرح پهلوي پنهنجي سوانح عمري لکي، جنهن جو عنوان هو "اينڊورنگ لو: مائي لائف ود دي شاهه." اهو ڪتاب 2004 ۾ آمريڪا ۾ ڇپيو ويو.^[7]

خطاب

جيتوڻيڪ ايراني حڪومت انقلاب کان وٺي اڳوڻي شاهي گھراڻي کان سڀئي اعزاز ۽ لقب واپس وٺي ڇڏيا آهن، ۽ ڪو به شاهي لقب قانوني طور تي منع ٿيل آهي، فرح ديبا پنهنجي نالي سان گڏ راڻي يا شهبانو لقب استعمال ڪري ٿي، جڏهن ته اولهه ميڊيا ۽ شاهه جا حامي، جيڪي ھاڻوڪي ايراني حڪومت کان ناراض آهن، پڻ کيس راڻي يا شهبانو سڏين ٿا.

ڀلائيءَ جا ڪم

شهبانو فرح پهلوي فائونڊيشن وسيلي ھوءَ ثقافتي ۽ خيراتي ڪم ڪندي آهي.

يادگيريون

سندس لکيل ڪتاب "An Enduring Love: My Life with the Shah" (سنڌيءَ ٽي:هڪ امر پريم:شاهه سان منهنجو جيون)، سندس زندگي بابت لکيل ذاتي ڪتاب آهي.^[7] هي ڪتاب پهريون ڀيرو 2004ع ۾ ڇپيو. هن ڪتاب ۾ فرح پهلويءَ پنهنجي ننڍپڻ، شاهه سان ملاقات، شادي، ايران ۾ گذاريل وقت، 1979ع جي انقلاب ۽ ان کان پوءِ جلاوطنيءَ جي ڏکين ڏينهن بابت تفصيل سان لکيو آهي. هي ڪتاب اصل ۾ فرانسيسي ٻوليءَ ۾ ("Mémoires") لکيو ويو هو، پر ان جو انگريزي، فارسي (عنوان: "کُهن ديارا")، عربي ۽ ٻين ڪيتريون ئي ٻولين ۾ ترجمو ٿي چڪو آهي. انگريزي ورجن جو پبلشر Miramax Books آهي. ^[8]