طالب لغاري
| طالب لغاري Talib Laghari | |
|---|---|
| پيدائش | محمد علي لغاري 12 نومبر 1928ع ڳوٺ حاجي خان لغاري، دادو ضلعو، سنڌ |
| وفات | نومبر 12, 1928 (عمر -87 سال) ڳوٺ حاجي خان لغاري، دادو ضلعو، سنڌ |
| قلمي نالو | طالب لغاري |
| ڌنڌو | شاعر، استاد |
| ٻولي | سنڌي، سرائيڪي |
| قوميت | پاڪستاني |
| تعليم | سنڌي فائينل |
طالب لغاري انگريزي ٻولي (Talib Laghari) (پيدائش: 12 نومبر 1928ع – وفات: 23 آگسٽ 2015ع) سنڌ، پاڪستان جو سنڌي ۽ سرائيڪي ٻوليءَ جو يگانو شاعر هو. بهترين سرائيڪي شاعري سبب کيس پنهنجي وقت جي حمل فقير هجڻ جو لقب مليو. سندن شاعري سنڌ جي معياري رسالن ۾ شايع ٿي. سندن ڪافي ڪتاب پڻ شايع ٿيل آهن.
زندگي جو احوال[سنواريو]
طالب لغاري 12 نومبر 1928ع تي سنڌ جي دادو ضلعو جي جوهي تعلقو جي ڪاڇو واري علائقي جي قديم شهر حاجي خان ۾ پيدا ٿيو. سندن اصل نالو محمد علي ولد امام علي لغاري هو. طالب سندن شاعراڻو نالو يا تخلص هو. پاڻ ڪل وقتي شاعر ، نرم ۽ عآشقانه مزاج رکندڙ هئا. پاڻ 1940ع ۾ پرائيمري پاس ڪيائون. 1943ع ۾ سنڌي فائنل جو امتحان ڏنائون. پاڻ قرآن شريف جي حفظ جو درس الله بچايو ڪنگراڻي کان حاصل ڪيائون جيڪو اريگيشن کاتي ۾ داروغو پڻ هو ۽ جنهن کي پاڻ زندگي جي آخري گهڙين تائين استاد تسليم ڪيائون. اول درزيءَ جي ڪرت ڪيائون. پوءِ الله بچايو ڪنگراڻي جي توسط سان مقدم (بيلدار) مقرر ٿيا. پاڻ 1951ع ۾ پرائيمري استاد مقرر ٿيا ۽ 1988ع ۾ رٽائر ٿيا. پاڻ 1965ع کان شاعري جي شروعات ڪيائون. سندس ڪافي “ڪاڇي يار ول آ لهي بيقراري” سنڌ ۾ وڏي مقبوليت ماڻي. سندس شاعري ريڊيو پاڪستان حيدرآباد تان به نشر ٿئي ٿي. سندس شاعري جا ڪيترائي مجموعه شايع ٿيل آهن پر سندس ڪتابن ۾ “دانهون درد فراق جون” ۽ “ مرڪ تسااڏي لڙڪ اساڏي” اهم جاءِ والاري. پاڻ ڪاڇي ۾ مقبول ترين ۽ بزرگ شاعر طور مشهور آهن.[1]
وفات[سنواريو]
پاڻ 23 آگسٽ 2015ع ۾ 94 سالن جي ڄمار ۾ وفات ڪيائون.[2]
حوالا[سنواريو]
- ↑ Poets and writers | Aziz Kingrani
- ↑ Times, The Sindh. "Sindhi and Siraiki poet Muhamad Ali Talib Laghari passes away at 94". The Sindh Times. حاصل ڪيل 2019-05-23.