سيلرا (شھدادڪوٽ)
سيلرا (شھدادڪوٽ)
ديھ سيلرا | |
|---|---|
ديھ | |
| Deh Seelra | |
  سيلرا (شھدادڪوٽ) سنڌ ۽ پاڪستان ۾ مقام  سيلرا (شھدادڪوٽ) سيلرا (شھدادڪوٽ) (Pakistan) | |
| جاگرافي بيهڪ: 27°N 67°E / 27°N 67°E | |
| ملڪ |  پاڪستان |
| صوبو | سنڌ |
| ضلعو | قمبر شهدادڪوٽ ضلعو |
| تعلقو | شھدادڪوٽ تعلقو |
ديھ سيلرا(انگريزي: Deh Seelra ) سنڌ جي ضلعي قمبر شهدادڪوٽ جي شھدادڪوٽ تعلقي جي يونين ڪائونسل نمبر 4 سيلرا جي ھڪ ديھ جو نالو آهي جيڪا تپو شھدادڪوٽ ۾ واقع آهي. سيلرن جي ھڪ وڏي ڳوٺ جي واقع ھجڻ سبب ديھ جو اھو نالو پئجي ويو.
تاريخ
[سنواريو]سنڌ بورڊ آف روينيو جي 1934ع واري نقشي مطابق ھن ديھ ۾ ڳوٺ سيلرا. واقع ھيا. ھاڻي ان ديھ ۾ ڳوٺ محمد صالح واقع ھيا. ان وقت شھدادڪوٽ شھر ھن ديھ جي لڳ واقع ھيو. ھن ديھ مان ڳڙھي خيرو ۽ سجاول جوڻيجو ڏانھن روڊ گذرندڙ ھيا. ديھ جي اترئين پاسي ريل جو بند ديھ منجھان ڳڙھي خيرو طرف گذرندڙ ھيو. 1934 ۽ ان کان اڳ ھي ديھ تپو ڌڱ ۾ شامل ھئي. ھاڻي ڳوٺ سيلرا وڏا سيلرا جي نالي سان معروف آھي. ديھ ۾ شھدادڪوٽ شھر جو سجاول چوڪ ھن ديھ ۾ شامل آھي جتان ڳڙھي خيرو نڪرندڙ روڊ ۽ ريلوي بند جي جي ٻنھي پاسن کان ٽانوري شاخ تائين ۽ سجاول چوڪ کان سجاول جوڻيجو طرف نڪرندڙ روڊ جا ٻئي پاسا ريلوي بند جي پار تائين ۽ اڳتي ان روڊ جي ڏاکڻي پاسي وارو شھدادڪوٽ شھر جو حصو ويندي مگسي فارم ۽ مير نادر علي خان مگسي جي رھائش تائين وارو شھر جو حصو ھن ديھ ۾ واقع آهي. ان کان سواء ھيرآباد محلو، لکپت وارو پڙ، مستوئي محلو، ڳوٺ ڪور وارا سيلرا، ٽانوري شاخ ۽ قبي واري روڊ جي وچ وارو شھري علائقو، ريلوي ڪالوني ۽ ان جي لڳ آدماڻي مگسين جو پاڙو وغيره ھن ديھ جو حصو آهن.
جاگرافي
[سنواريو]ھن ديھ جي اتر ۾ ديھ چانڊيا، ديھ پٺاڻ ۽ ديھ نورپور، اوڀر ۾ ديھ شھدادڪوٽ، ديھ ھمير ۽ ديھ ڪارڙا، اولھ ۾ ديھ چانڊيا ۽ ديھ ڪڙيو صوبدار ۽ ڏکڻ ۾ ديھ ٿرڙي واقع آهي. ڪور ڏاتو ھن ديھ ۾ ختم ٿئي ٿي. ھن ديھ جي مڪمل روينيو سروي ٿيل آهي ديھ جي ڏاکڻي دنگ کان مستوئي شاخ وھندڙ آھي.
آبادي
[سنواريو]2017 جي آدمشماري مطابق ھن ديھ جي ڳوٺن جي ڪل آبادي 9,623 ھئي جيڪا 1,480 خاندانن تي مشتمل ھئي.[1].