رگي
ريگي (Reggae) موسيقيءَ جي هڪ صنف آهي جنهن جي شروعات 1960ع واري ڏهاڪي جي آخر ۾ جميڪا ۾ ٿي. هي اصطلاح جميڪا جي جديد مقبول موسيقي ۽ ان جي عالمي اثرن لاءِ پڻ استعمال ٿيندو آهي.[1] 1968ع ۾ ٽوٽس اينڊ دي ميٽلز (Toots and the Maytals) جي سنگل "Do the Reggay" پهرين مقبول گيت هئي جنهن هن صنف کي نالو ڏنو.
شروعات ۽ اثرات
[سنواريو]ريگي موسيقي جميڪا جي قديم صنفن جهڙوڪ مينٽو، اسڪا (Ska)، ۽ راڪ اسٽيڊي (Rocksteady) مان نڪتي آهي. هن ۾ روايتي افريقي تال ۽ ڊرم جي طرزن جهڙوڪ ڪمينا، نيا بينگي ۽ بورو جا اثر موجود آهن. ان سان گڏوگڏ، ريگي ۾ جاز، تال ۽ بلوز، ۽ ڪيليپسو (Calypso) جا عنصر پڻ شامل آهن.[2]
موسيقيءَ جون خاصيتون
[سنواريو]ريگي پنهنجي منفرد تال ۽ بناوٽ سبب سڃاتي وڃي ٿي:
- ٽيمپو: هي اسڪا يا راڪ اسٽيڊي جي مقابلي ۾ ڪجهه سست هوندي آهي.
- بيس گٽار: هن صنف ۾ بيس گٽار جو ڪردار مرڪزي آهي، جنهن جو آواز گهرو ۽ وزندار هوندو آهي.
- اسٽيڪاٽو (Staccato): گٽار يا پيانو جا مختصر جهٽڪيدار آواز آف بيٽ (Offbeat) تي وڄايا ويندا آهن.
- آواز: گيتن جا ٻول اڪثر جميڪن پيٽوا (Patois) يا جميڪن انگريزيءَ ۾ هوندا آهن، جن ۾ سياسي، سماجي، مذهبي ۽ محبت جا موضوع شامل هوندا آهن.
اهم فنڪار
[سنواريو]ريگي جي تال سيڪشن ۾ جيڪي جيڪسن، ڪارلٽن بيريٽ، ۽ سلائي ڊنبار جهڙن فنڪارن جو نالو نمايان آهي، جن هن موسيقيءَ کي عالمي سطح تي متعارف ڪرايو.[3]