حاصل النھج
|
حاصل النھج حاصل النهج |
|
|---|---|
| ليکڪ | مخدوم جعفر بوبڪائي |
| مترجم | عبدالرسول قادري (سنڌي ترجمو) |
| ٻولي | فارسي |
| موضوع | تعليم، تدريس، علم ۽ معلم |
| صنف | تعليمي ادب |
| ڇاپيندڙ |
سنڌ يونيورسٽي (1969ع، فارسي متن) |
| اشاعت جي تاريخ | 976هه/1568ع |
| وسيلو | ڪتاب |
حاصل النھج (فارسي: حاصل النهج) مخدوم جعفر بوبڪائي جو فارسي ٻوليءَ ۾ لکيل تعليمي ڪتاب آهي. هي ڪتاب سندس عربي تصنيف نهج التعلم جو خلاصو آهي، جيڪو هن 976هه/1568ع ۾ خاص طور استادن جي رهنمائي ۽ تدريسي اصولن جي وضاحت لاءِ تيار ڪيو.[1]
ڪتاب ۾ علم، معلم، تعليم ۽ تدريس جي اصولن ۽ فلسفي تي تفصيلي بحث ڪيو ويو آهي، جنهن سبب ان کي سنڌ جي قديم تعليمي ادب جي اهم تصنيفن مان شمار ڪيو وڃي ٿو.[2] محققن موجب، تعليمي فلسفي ۽ تدريسي طريقن بابت هي ڪتاب جديد دور ۾ پڻ علمي اهميت رکي ٿو.[2]
ڪتاب جو فارسي متن، انگريزي مقدمي ۽ خلاصي سان گڏ ڊاڪٽر نبي بخش خان بلوچ جي تحقيق ۽ تصحيح هيٺ 1969ع ۾ سنڌ يونيورسٽي شايع ڪيو.[2] بعد ۾ ڊاڪٽر عبدالرسول قادري ان جو سنڌي ترجمو ڪيو، جيڪو 1993ع ۾ سنڌي لئنگئيج اٿارٽي، حيدرآباد طرفان شايع ٿيو.[2]
حوالا
[سنواريو] |