اڪرم علي ملاح
اڪبر علي ملاح اصل ويٺل شهر -ترائي-، ضلعي بدين لڳ ڳوٺ خاشيءَ ۾ 1905ع ڌاري ڄائو. سندس -ڀاءُ- محمد هاشم کي راڳ جي -ٿوري- گهڻي ڄاڻ هئي، جنهن کي ٻڌندي هن کي اُتان راڳ جو شوق جاڳيو. جهنگ جهر جهاڳيندو، گهمندو ڦرندو، آخر ڪجهه وقت کان پوءِ رئيس ڪريم بخش نظاماڻيءَ وٽ حاضري ڏنائين، -جتي- هر وقت راڳ رنگ جي محفل متل هوندي هئي. -ان- کان پوءِ دڙي ۾ حافظ فيض محمد وٽ راڳ جي 12، 13 سال رياضت ڪيائين. وري ميرپور بٺوري ۾ خانصاحب مبارڪ علي خان جي شاگرديءَ ۾ پڻ رهيو آهي، جتان هن راڳ بابت گهڻو ڪجهه پرايو. گهڻين ئي ڪچهرين ۾ حصو ورتائين، گهڻو ڪري سنڌ جي مشهور صوفي شاعرن شاهه لطيف، مصري شاهه، صاحبڏني فاروقي، سچل، حمل ۽ ٻين جا ڪلام ڳايائين.[1]