ايَ ايس ايل

کليل ڄاڻ چيڪلي، وڪيپيڊيا مان
ڏانھن ٽپ ڏيو: رھنمائي, ڳولا

اَيَ ايس ايل هڪ ڏاڍي مشهور اشارن جي زبان آهي. آمريڪن سائن لينگويج (American Sign Language) کي مختصر طور تي اَيَ ايس ايل سڏيو وڃي ٿو. گونگا ۽ ٻوڙا انسان، جيڪي ٻُڌي ۽ ڳالهائي نٿا سگهن، اهي هن اشارن جي ٻوليءَ کي هڪٻئي سان رابطي (ڪمينيڪيشن) جي لاءِ استعمال ڪن ٿا. اَيَ ايس ايل يا آمريڪن سائن لينگويج، نارٿ آمريڪا (آمريڪا، ڪئناڊا ۽ ميڪسيڪو) ۾ ڊيف ڪميونٽيءَ لاءِ رابطي جو اهم ذريعو آهي. هر ملڪ ۾ ثقافتي سببن جي ڪري مختلف اشارن جو زبانون (سائن لينگويجز) ٺهيل آهن، جنهن ڪري مختلف ملڪن ۾ مختلف لفظن جا هڪ ٻئي کان جدا اشارا هجڻ سبب، هڪ ملڪَ جي گونگي ٻوڙي انسان کي ٻئي ملڪ جي گونگي ٻوڙي انسان جي اشارن جي ٻولي سمجهڻ ۾ ڏکيائي پيش اچي رهي هئي. پر هاڻي انٽرنيٽ اچڻ کانپوءِ فيس بُڪ، اسڪائيپ ، واٽس ايپ ۽ سائبر اسپيس تي ٻيون تمام گهڻيون سهولتون حاصل ٿيڻ کانپوءِ اَيَ ايس ايل يا آمريڪن سائن لينگويج تائين سڄي دنيا جي ڊيف ڪميونٽي جي پهچ سولي ٿيڻ سبب اَيَ ايس ايل (ASL) ڊيف ڪميونٽي (Deaf Community) جي عالمي اشارن جي زبان طور اُڀري رهي آهي. اَيَ ايس ايل سکڻ ۾ ڏاڍي سولي آهي ۽ ڊيف ڪميونٽيءَ جي ڏاڍي مقبول زبان آهي. [1]