اين. جي. وي. ھاءِ اسڪول

کليل ڄاڻ چيڪلي، وڪيپيڊيا مان
Jump to navigation ڳولا ڏانهن هلو

هيءُ اسڪول 1855ع ۾ قائم ٿيو ۽ ڪراچيءَ ۾ قائم ٿيڻ وارو چوٿون اسڪول هو. شروع ۾ هن جو نالو ”ورنيڪيولر ميڊيم انگلش اسڪول“ هو، جنهن جو مقصد آباديءَ کي سنڌي زبان جي ذريعي -انگريزي- زبان سان واقف ڪرڻو هو. هن اسڪول جو نالو بعد ۾ هڪ -استاد- نارائڻ جڳن ناٿ جي نالي پٺيان ”نارائڻ جڳن ناٿ هاءِ اسڪول“ يعني اين. جي. وي. هاءِ اسڪول رکيو ويو. 1888ع ۾ اين. جي. وي هاءِ اسڪول ۾ 391 شاگرد هئا، جنهن ۾ 276 هندو، 93 -پارسي-، 17 مسلمان ۽ 3 يهودي هئا. هن اسڪول جي معيار کي آڏو رکي، -ان- کي ٻن شفٽن ۾ هلايو ويو. هيءُ اسڪول 1947ع ۾ پنهنجي نئين عمارت ۾ منتقل ٿيو. -پاڪستان- جي قيام کان پوءِ سنڌ اسيمبليءَ جي پراڻي عمارت کي -پاڪستان- جي قومي اسيمبليءَ جي عمارت ۾ تبديل ڪيو ويو ۽ اين. جي. وي هاءِ اسڪول جي نئين عمارت ۾، هيٺينءَ منزل تي سنڌ -اسيمبلي- قائم ڪئي وئي. سنڌ يونيورسٽيءَ پنهنجي شروعاتي قيام واري عرصي کان وٺي حيدرآباد منتقل ٿيڻ (1951ع) تائين، هن اسڪول جي اولهه واري حصي ۾ ڪم ڪرڻ شروع ڪيو. هن وقت هيءُ اسڪول، ايم اي جناح روڊ (اڳوڻي -بندر- روڊ) تي سعيد منزل ويجهو، پنهنجي انهيءَ بلڊنگ ۾ هلندڙ آهي ۽ ڪراچيءَ جي مشهور اسڪولن ۾ شمار ٿئي ٿو. هن ۾ هاڻي به ٻه شفٽون آهن -جن- مان هڪ ڇوڪرن لاءِ ۽ ٻي ڇوڪرين لاءِ آهي، هن وقت هن اسڪول جي اڌ عمارت ڪجهه سرڪاري دفترن کي ڏنل آهي، باقي اڌ ۾ اسڪول هلندڙ آهي.[1][2][3]

ھي اسڪول 1855 ۾ ورنيڪيولر انگلش ميڊيم اسڪول جي نالي سان کوڙي گارڊن واري علائقي ۾ قائم ڪيو ويو.ھن اسڪول جو پھريون ھيڊ ماستر مھاديو شاستري ھيو.1864 ۾ ھن اسڪول کي ھاء اسڪول جو درجو مليو.1865 تائين سنڌ ۾ تعليم کاتو نه ھيو ۽ سنڌ جي روينيو کاتي جو ھڪ انگريز آفيسر تعليمي مامرا سنڀاليندو ھيو.1865 ۾ تعليم کاتو قائم ڪيو ويو. مسٽر گولڊ سمٿ تعليم کاتي جو پھريون انسپيڪٽر ۽ ھن اسڪول جو ھڪ استاد نارائڻ جگن ناٿ واڊيا ڊپٽي انسپيڪٽر مقرر ڪيا ويا..1873 ۾ نارائڻ جگن ناٿ جي لاڏاڻي کان پوءِ سندس تعليمي خدمتن عيوض اسڪول جو نالو نارائڻ جگن ناٿ اينگلو ورنيڪيولر اسڪول يعني اين جي اسڪول رکيو ويو پر 1889 ۾ سندس پوٽي بيريسٽر سي.ڊي.واڊيا سنڌ حڪومت کي گذارش ڪئي تہ واڊيا کان سواءِ منھنجي ڏاڏي جو نالو اڻپورو آهي ان لاءِ اسڪول جو نالو درست ڪيو وڃي.سندس گذارش کي منظور ڪندي سنڌ جي تعليم کاتي اسڪول جو نالو مٽائي نارائڻ جگن ناٿ واڊيا ھاء اسڪول رکي ڇڏيو جيڪو اڄ ڏينهن تائين اين.جي.وي. ھاءاسڪول سڏجي ٿو.[4]

حوالا[سنواريو]

  1. اين جي وي هاءِ اسڪول : (Sindhianaسنڌيانا)
  2. Narayan Jagannath High School - Wikipedia
  3. List of schools in Karachi - Wikipedia
  4. يادن جي ڳڙکيء مان (يادگيريون) از: عبدالرزاق سومرو؛ ترتيب:خالد چانڊيو؛ پبلشر: رائيٽرس ڪلب لاڙڪاڻو؛ ايڊيشن :۲۰۱۱ حاشيہ پيج نمبر 491