علي اصحابو
| اصحابو (وارھ) ديھ اصحابو | |
|---|---|
| ديھ | |
| Deh Ashabo | |
  اصحابو (وارھ)  اصحابو (وارھ) | |
| جاگرافي بيهڪ: 27°26′33″N 67°54′02″E / 27.44250°N 67.90056°Eمڪانيت: 27°26′33″N 67°54′02″E / 27.44250°N 67.90056°E | |
| ملڪ |  پاڪستان |
| صوبو | سنڌ |
| ضلعو | قمبر شهدادڪوٽ ضلعو |
| تعلقو | وارھ تعلقو |
| آبادي (2017)[1] | |
| • ڪل | 3,458 |
ديھ اصحابو(انگريزي: Deh Ashabo) سنڌ جي ضلعي قمبر شهدادڪوٽ جي وارھ تعلقي جي ھڪ ديھ جو نالو آهي جيڪا آباد تپي ۾ واقع آهي.
تاريخ[سنواريو]
بورڊ آف روينيو سنڌ جي رڪارڊ ۾ موجود برٽش انڊيا واري دؤر جي ھن ديھ جي نقشي مطابق ھن ديھ ۾ ڳوٺ علي اصحابو جنھن لڳ مقام پير اصحابو، ڳوٺ باري کٽياڻ ۽ لائق آباد واقع ھيا. ان وقت ھي ديھ تپو پيچوھا ۾ واقع ھئي پر پاڪستان ٺھڻ بعد سنڌ ۾ نون تپن جي قيام بعد ھن ديھ کي تپو آباد ۾ شامل ڪيو ويو. ھاڻي ھن ديھ ۾ واقع پراڻن ڳوٺن مان رڳو ڳوٺ علي اصحابو قائم آھي نئين قائم ٿيل ڳوٺن ۾ ڳوٺ ڏاتو تيوڻو ۽ ڳوٺ مالڪڏنو مغيري واقع آهن.
جاگرافي[سنواريو]
ھن ديھ جي اتر ۾ ديھ پيچوھا، ديھ لالو رائنڪ ۽ ديھ ملڪاڻي، اوڀر ۾ ديھ عبيداڻي، اولھ ۾ ديھ مڱڻيجا ۽ ڏکڻ ۾ ديھ آباد ۽ ديھ بند جاني واقع آهن. ھن ديھ جي مڪمل روينيو سروي ٿيل آھي. ھن ديھ مان ڪور ھاشم ڊسٽري گذرندڙ ھئي. ڳوٺ علي اصحابو وڳڻ نصيرآباد روڊ کان 5 ڪلوميٽرن جي فاصلي تي واقع آهي.
آبادي[سنواريو]
2017 جي آدمشماري مطابق ھن ديھ جي ڳوٺن جي ڪل آبادي 3,458 ھئي جيڪا 547 خاندانن تي مشتمل ھئي.[1].