آزاد انور ڪانڌڙو

کليل ڄاڻ چيڪلي، وڪيپيڊيا مان
Jump to navigation ڳولا ڏانهن هلو

هن جو اصل نالو علي انور ڪانڌڙو آهي، هو 6 مارچ 1980ع تي ڳوٺ احمد خان ڪانڌڙي، تعلقي ميهڙ ضلعي دادوءَ ۾ پيدا ٿيو. ايم.اي سنڌي ادب ۾ ڪئي اٿس. هو سنڌ جو سڄاڻ صحافي ۽ ليکڪ آهي، سندس مضمون ۽ مقالا سنڌ جي مختلف ادبي رسالن ۾ شايع ٿيندا رهندا آهن. هو هن وقت صحافي آهي ۽ ميهڙ ۾ رهي ٿو. هن جي ڇپيل ڪتابن ۾ ”ڌرتيءَ جو شهيد“ (شخصيت 2005)، ”اعجاز جتوئي: محب وطن سياستدان“ (2006ع)، ”سمي صحرا، سمي دريا“(استاد بخاريءَ جي نثري تحريرن جي ترتيب: 2007ع)،”سنڌي ٻوليءَ بابت مقالا ۽ مضمون“ (الهداد ٻوهيي جي مضمونن جي ترتيب: 2008ع) شامل آهن، جڏهن ته ڪجهه ڪتاب اڻ ڇپيل صورت ۾ وٽس موجود آهن، جن مان ”مولانا گراميءَ جون تحريرون“ سنڌي ادبي بورڊ پاران ڇپائيءَ هيٺ آهي.[1]